2 Timoti 4:5 - Di Jamiekan Nyuu Testiment

⁵ Bot yu si yu Timoti, yu afi kanchuol yuself iina evriting. Yu a-go fies nof chobl bot yu mos push chuu it an gwaan priich Gad wod. An kaaz yu a Gad sorvant yu mos du aal di wok we im gi yu fi du.

2 Timoti 4:5 ပူးပေါင်းရင်းမြစ်များ

Matyu 25:16

Di wan we get di faiv bag a guol, im lef go we sed taim an yuuz da faiv bag de mek wan neks faiv bag a guol.

Maak 13:34

Da taim de komiin laik wan man we a go we pan wan chrip. Im lef im sorvant dem inchaaj a im ous an gi evri wan a dem di wok we dem fi du. An im tel di wan we a gyaad di duor fi kip wach.

Maak 13:37

Wa mi se tu unu, mi a se tu evribadi: ‘Kip wach!’ ”

Luuk 12:37

It a-go gud fi di sorvant dem uufa maasta fain dem bizi a wiet fi'im kom bak. Mi a tel unu dis, di maasta imself a-go put aan im wok kluoz, mek dem sidong a di tiebl, an im wi sorv dem.

Aks 21:8

Di neks die wi lef an go a Sesuriiya an go tan a Filip yaad. Im a did wan a di man dem we priich di Gud Nyuuz, an wan a di sevn man dem we di biliiva dem iina Jeruusilem did pik fi luk aafa di uman dem uufa ozban did ded.

Ruoman 15:19

an siek-a di sain dem an di mirikl dem we Gad Spirit gi mi di powa fi du. So fram Jeruusilem go klier a Ilirikom, mi priich di Gud Nyuuz bout Krais Jiizas aal bout.

Ifiijan 4:11

A im siem wan tek som a im piipl dem mek dem ton apasl. Im mek som ton prafit an im sen som fi go roun an priich di gud nyuuz. Im mek som ton paasn an tiicha.

Ifiijan 4:12

Im du aal a dis ya fi get Gad piipl redi fi du Gad wok an fi elp di choch fi gruo chrang

Koloshan 1:25

Mi de bout fi sorv di choch, kaaz Gad pik mi fi du it. Im pik mi fi elp unu an fi mek unu kyan nuo evri piis a im mesij.

Koloshan 4:17

Tel Aakipos dis fi mi, “Mek shuor se yu don di wok we di Laad gi yu fi du, kaaz a im ya'a wok fa.”

1 Tesaluoniyan 5:6

So mek wi no sliip laik dem we a liv iina di daak. Bot mek wi kip wi yai waid uopm an wi ed skruu aan gud.

1 Timoti 4:12

No mek nobadi put yu dong kaaz yu yong. Mek shuor yu liv rait so piipl kyan fala yu: lov piipl, chos iina Gad an liv wan kliin laif an no sin.

1 Timoti 4:15

Memba dem sitn ya. Tingk bout dem aal di taim an put evriting iina di wok we mi gi yu, so piipl kyan si ou faar yu kom.

2 Timoti 1:8

So no shiem fi tel di piipl dem bout Gad. No shiem fi se yu nuo mi niida, jos chuu dem fling mi iina jiel kaaz mi sorv Gad. Yuuz di powa we Gad gi yu. Sofa wid mi an gwaan tel di piipl bout Gad.

2 Timoti 2:10

An sins di mesij no iina prizn mi wi gwaan sofa fi di piipl dem we Gad pik. So dat Jiizas Krais wi siev dem an so dem kyan liv fi eva wid Gad.

2 Timoti 2:3

Sins yu a wan a Krais Jiizas gud suoja dem, yu afi go chuu nof sofarieshan laik di res a Jiizas suoja dem. Mek shuo se yu uol aan.

2 Timoti 4:17

Bot di Laad did tan op saida mi an gi mi chrent. Im gi mi chrent so dat mi kuda priich di uol a im mesij tu di piipl dem we a no Juu. An im siev mi fram di piipl dem we did waahn fi fling mi gi di laiyan dem.

Iibruu 13:17

Lisn wa unu liida dem se, an du wa dem tel unu fi du. Kaaz dem a-go afi ansa tu Gad an tel im bout ou dem did tek kier a unu. So du fi unu paat, so dem wi api fi du di wok an dem fies no afi lang dong, kaaz ef dat apm, dat naa go elp unu at aal.

1 Piita 1:13

So siek-a aal we Gad du, mek shuor se unu get unu main redi fi akshan. Kanchuol unuself an staat liv siiros. Kip unu main onggl pan di blesn dem we Gad a-go gi unu wen Krais Jiizas kom bak.

Revilieshan 3:2

So wiek op, an staat liv agen laik ou unu nuo Gad piipl fi liv, bifuo evriting mash op, kaaz mi fain se di wie unu a liv no mach op wid di wie fi mi Gad waahn unu fi liv.