2 Timoti 4:4 - Di Jamiekan Nyuu Testiment

⁴ An dem a-go ton dem bak pan di chuut an staat lisn tu di tuori dem we a no chuu.

2 Timoti 4:4 ပူးပေါင်းရင်းမြစ်များ

Matyu 13:15

Kaaz dem piipl ya aat get tof, an dem kyaahn lorn notn. Dem aad-iez, an dem yai lak op tu. So dem kyaahn si notn wid dem yai an dem kyaahn ier notn wid dem iez, an dem aat naa andastan notn niida, ar dem wuda ton tu mi, an mi wuda siev dem.’

Aks 7:57

Wen dem ier dat, dem baal out pan tap a dem vais, kova op dem iez, an di uol a dem ron dong pan im wan taim.

2 Tesaluoniyan 2:11

So siek-a dat, Gad a sen wan powaful sitn we wi twis op ou dem tingk, so dem kyan biliiv di lai dem.

1 Timoti 1:4

Dem no fi wies dem taim niida pan mek op tuori we no mek no sens at aal, an dem no fi bada wid uu a uufa jinarieshan. Dem de sitn de onggl kaaz piipl fi kwaril-kwaril wid dem wan aneda insted-a chos iina Gad plan fi siev piipl.

1 Timoti 4:7

No av notn fi du wid di tuori dem we no chuu an we a jos fuulinish, bot wok aad fi fala we Gad se an liv ou yu nuo Gad waahn yu fi liv.

1 Timoti 6:20

So Timoti, gyaad di sitn dem we Gad gi yu fi tek kier a. Mek shuor yu kip dem sief. Stie faar fram taak we no av notn fi du wid Gad. No lisn tu di fuulinish wa som piipl taak chuu dem tingk dem waiz. Dem waahn fi kaal we dem a se nalij bot a no nalij dat.

2 Timoti 1:15

Yu nuo se evribadi roun a Iezha said ton dem bak pan mi, aal di wan Fijilos an di wan Ormajinis.

Taitos 1:14

an no fala di mek op tuori we di Juu dem av, ar fala baka piipl we go gens Gad wod.

Iibruu 13:25

Mi prie se Gad lov, we non a wi no dizorv, wi tan wid unu.

2 Piita 1:16

Wen wi tel unu bout di powa a wi Laad Jiizas Krais an ou im a-go kom bak, a neva no mek op tuori wi did a tel unu bout. Bot a tingz we wi si fi wiself. Wid wi uona yai dem wi did si di brait brait lait.