2 Timoti 4:3 - Di Jamiekan Nyuu Testiment

³ Kaaz wan taim a-go kom wen piipl naa go put op wid ar lisn tu wa Gad piipl a tiich. Insted-a dat, fi mek demself api, dem a-go luk fi di tiicha dem we wi tel dem wa dem waahn fi ier, kaaz dem lov ier nyuu sitn.

2 Timoti 4:3 ပူးပေါင်းရင်းမြစ်များ

Luuk 20:19

Di Laa tiicha dem an di ed priis dem luk fi wan wie fi lak op Jiizas siem taim, kaaz dem nuo se a dem im did a chat bout. Bot dem did fried a di piipl.

Luuk 6:26

Chobl fi aal a unu we piipl chat gud bout, a siem so fi dem piipl yuus tu chat gud bout di faalz prafit dem.

Jan 8:45

Bot chuu mi tel unu di chuut, unu no biliiv iina mi.

Aks 17:21

Aal a di Atenz piipl an di farina dem we liv de spen dem taim a du notn muor dan a tel dem wan aneda bout eniting nyuu we dem ier an a lisn tu eniting nyuu we enibadi av fi tel dem.

1 Korintiyan 2:1

Breda an sista, wen mi did kom priich Gad chuu mesij tu unu, we nobadi neva ier bifuo, mi neva yuuz no big wod ar chrai fi soun waiz.

1 Korintiyan 2:4

An wen mi did a tiich an a priich mi neva yuuz no fansi taak laik we di piipl dem we tingk dem waiz yuuz. Mi neva afi du dat fi mek unu biliiv kaaz Gad Spirit yuuz im powa fi shuo unu se aal a wa mi did a se a chuu sopm.

Gyalieshan 4:16

So wa, mi a unu enimi nou kaaz mi tel unu di chuut?

1 Timoti 1:10

It mek fi di man dem we av seks wid ada man, ar uman we av seks wid ada uman, an fi piipl we tek paat iina aal kain-a seks sin. Di Laa a fi di wan dem we kech an sel piipl fi ton sliev, an fi piipl we a laiyad an piipl we go a kuot go tel lai pan ada piipl. Matarafak it a fi enibadi we go gens di chuu mesij we wi tiich,

2 Timoti 1:13

Yu si di sitn dem we mi tiich, tek kier an fala dem, no tiich notn difrant. Yu fi du dis wid di sitn dem we wi biliiv an we Jiizas Krais gi wi an wid di lov we im gi wi tu.

Juud 1:18

Dem did tel unu se iina di laas die dem, di taim wen di worl bout fi don, unu gweehn av som piipl we gweehn mek fon a Gad an im mesij an im piipl. Dem a-go liv onggl fi di wikid sitn dem we dem waahn.