2 Timoti 4:14 - Di Jamiekan Nyuu Testiment

¹⁴ Aligzanda, di wan we wok wid metal, du nof wikid sitn tu mi. Gad a-go pie im bak fi aal we im du.

2 Timoti 4:14 ပူးပေါင်းရင်းမြစ်များ

1 Timoti 1:20

Tuu piipl we dis apm tu a Aimeniyos an Aligzanda. Mi ton dem uova tu Sietan so dat dem wi lorn no fi kos Gad.

2 Tesaluoniyan 1:6

An sins Gad fier, di piipl dem we kaaz unu fi sofa, im a-go mek dem sofa tu.

Revilieshan 18:6

Du ar bak di siem ting shi du ada piipl; di sitn dem we shi du ada piipl, pie ar bak tuu taim. An di kop a wain we shi miks gi ada piipl, gi ar bak tuu kop ful.

Ruoman 12:19

Breda an sista ef sumadi du unu rang, no bada tek it pan unuself fi go mek dem pie fi wa dem did du unu, lef dem tu Gad mek im joj dem. A siem so it rait dong iina Gad wod dat di Laad se, “A fi mi jab fi mek piipl pie fi di rang we dem du, mi wi ponish dem.”

Revilieshan 18:20

Evribadi iina evn, unu fi api siek-a wa apm tu ar! Aal a Gad piipl, im apasl an prafit, unu fi api! Kaaz Gad joj ar an ponish ar fi aal wa shi du unu.’ ”

Revilieshan 6:10

Di suol dem anda di alta kaal out wid wan loud vais, “Ou lang, powaful Laad, yu we uoli an we aalwiez du we Gad waahn yu fi du, ou lang yu a-go wiet fi joj an ponish di piipl dem pan ort we kil wi aaf?

1 Jan 5:16

Ef nobadi si im breda ar sista sin iina wan wie we naa go mek im ded, unu fi prie fi dem se Gad wi paadn dem, an da sumadi we sin da sin de we naa go mek im ded, Gad wi mek im liv. Som sin kaaz piipl fi ded. Mi naa tel unu fi prie fi sumadi we du dem sin de.

Ruoman 2:6

Gad “wi gi evribadi wa dem fi get — im wi pie dem bies pan wa dem du.”

2 Timoti 4:15

Yu mos wach out fi im, kaaz im a go gens wa wi tiich aad aad.