2 Timoti 4:11 - Di Jamiekan Nyuu Testiment

¹¹ A onggl Luuk de ya wid mi. Wen yu a kom, go get Maak an bring im wid yu. Kaaz im kyan elp mi nof nof wen mi a priich an tiich Gad wod.

2 Timoti 4:11 ပူးပေါင်းရင်းမြစ်များ

Matyu 19:30

Bot nof a uu de a front nou a-go de a bak, an uu de a bak a-go de a front.”

Matyu 20:16

“So di wan we no luk so impuotant we de a bak, Gad a-go push dem op a front, an di wan dem we luk laik se a dem impuotant, we de op a front, a dem a-go get push a bak.”

Luuk 13:30

Bot andastan dis, di wan dem we de a front a-go de a bak an di wan dem we de a bak a-go de a front.”

Aks 12:12

Wen Piita si wa riili apm, im go a Mieri ous, dat a Jan Maak mada. Nof piipl did gyada op an did a prie.

Aks 12:25

Afta Baanabas an Saal don wa dem did go a Jeruusilem fi du, dem lef an tek Jan Maak wid dem.

Aks 15:37

Baanabas did waahn kyari Jan, we dem kaal Maak, wid dem tu.

Aks 15:39

Paal an Baanabas kech op an tingz get so bad dat dem kudn sekl it. So Baanabas tek Maak wid im an siel go a Saipros,

Aks 16:10

Afta Paal get di vijan, wi mek op wi main se Gad did waahn wi fi go priich di Gud Nyuuz tu dem, so wi chrai siem taim fi go a Masiduoniya.

Koloshan 4:10

Ieristaakos we de iina prizn wid mi, im sen oudi. Baanabas kozn, Maak, se oudi tu. Mi tel unu bout Maak aredi, so ef im kom tu unu, welkom im.

Koloshan 4:14

Wi gud gud fren Luuk, di dakta — im an Diimas sen oudi tu.

2 Timoti 1:15

Yu nuo se evribadi roun a Iezha said ton dem bak pan mi, aal di wan Fijilos an di wan Ormajinis.

2 Timoti 2:21

A siem wie it go wid piipl. Ef enibadi wi kliin op demself an ton fram aal we wikid, im wi komiin laik wan a di speshal boul dem. An Gad wi kyan yuuz im fi du speshal tingz. Im wi redi fi du aal kain-a gud sopm.

Failiiman 1:24

Maak, Ieristaakos, Diimas an Luuk, we wok wid mi, sen oudi fi yu tu.

1 Piita 5:13

Unu sista choch we de iina Babilan, we Gad pik tu, se fi iel unu op, an Maak, uu a laik mi bwai pikni, se fi iel unu op tu.