Bot iivn duo di piipl dem did api fi ier wa mi av fi se, mi main kudn res, kaaz mi neva si mi breda Taitos. Bot sins mi neva fain im, mi tel di piipl dem iina Chuowas ba-bai an lef go a Masiduoniya.
Wen mi did go a kuot fi di fos taim fi chrai difen miself nobadi neva kom sopuot mi, di uol a dem lef mi fi fen fi miself. Mi uop Gad no uol it gens dem.
Di Juu dem we de a Tesalonaika did lak op dem main gens Gad mesij. Bot di wan dem we de a Beriya, dem lisn gud kaaz dem did wel waahn ier di mesij. So evridie dem luk aad aad iina Gad wod fi si ef wa Paal did a se mach op wid wa rait dong iina Gad wod.
Taitos chuu mi an yu biliiv iina Jiizas, it komiin laik se yu a fi mi pikni. Mi prie se Faada Gad an wi Laad Jiizas wi shuo yu lov iivn duo wi no dizorv it. Mi prie se dem wi gi yu piis.
Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.
Bot Paal neva tingk it rait fi tek im wid dem. Im tan op chrang gens it, kaaz di fos taim wen dem did a pred di Gud Nyuuz, wen dem riich a Pamfiliya, Jan Maak did ton bak bifuo dem don di wok.
“No sorvant kyaahn sorv tuu maasta. Yu wi iet wan an lov di ada wan, ar yu wi ron go du eniting we wan waahn bot no tuu bizniz wid di ada wan. Unu kyaahn sorv Gad an moni.”
Enibadi we chat bad gens di Man we Gad Pik, Gad wi paadn dem. Bot enibadi we chat bad gens di Uoli Spirit, dem naa go get paadn. Dem naa get paadn iina da laif ya ar di laif we a-go kom.
Nou yu si Taitos, im a mi fren we wok wid mi fi elp unu. An di tuu breda dem, a di choch dem pik an sen dem, an di wok we dem du wi kaaz piipl fi priez Krais Jiizas.