2 Timoti 3:6 - Di Jamiekan Nyuu Testiment

⁶ Dem de piipl de wi wok dem wie iina piipl fambili an fuul op di uman dem we iizi fi chrik an we a liv iina aal kain-a sin an kyaahn kanchuol demself.

2 Timoti 3:6 ပူးပေါင်းရင်းမြစ်များ

Matyu 11:28

“Aal a unu we taiyad an bordn dong unu kom tu mi an mi wi mek unu get fi res.

Matyu 23:13

“Bot yu si aal dem Laa tiicha ya an di Farisii piipl dem, chobl fu'unu! Uol ipokrit! Unu shot Gad kindom iina piipl fies! Unu no go iin de, an unu naa lou piipl we a chrai fi go iin de, fi go iin.

Matyu 4:24

So piipl staat ier bout im muo an muo aal roun Siriya, an dem kyari aal saat a piipl kom we sik iina dis ya wie ar dat de wie. Dem kyari piipl we pien op an a sofa fram aal saat a kraasiz, an aal uu did a sofa fram sitn we mek dem kech fits dem kyari dem kom tu. Dem kyari piipl we kyaahn waak, piipl we av diiman iina dem, an Jiizas get di uol a dem beta.

Maak 4:19

bot chuu dem a fret bout laif, chuu aal dem kyaahn tingk bout a ou fi mek moni an get rich, an chuu dem waahn muo an muo tingz, dem sitn de blak Gad wod, so it no du notn difrant iina dem laif.

1 Korintiyan 12:2

Unu nuo se bifuo unu di staat biliiv iina Gad, sopm did jraa unu we an mek unu a fala aal kain-a faalz gad we kudn iivn taak.

1 Timoti 5:6

Bot di uman we ozban ded an onggl kier bout wa shi waahn an no we Gad waahn, fi ar spirit ded iivn duo shi stil a liv.

1 Timoti 6:9

Bot di piipl dem we waahn fi rich, di devl chrik dem an mek dem du aal kain-a wikid sitn. Im kech dem wid di fuul-fuul sitn dem we dem waahn an we no gud fi dem. Dem kyaahn si se di sitn dem we dem waahn a-go mash dem op an singk dem.

Taitos 1:11

Yu mos shot dem op; tap dem fram taak fuulinish. Kaaz dem a kaaz aal wan uol-a fambili fi ton we fram di chuut siek-a di sitn dem we dem a tiich. Dem a tiich tingz we dem no fi tiich an dem a du it so dem kyan mek moni.

Taitos 3:3

Kaaz wan taim wi yuus tu fuul-fuul tu, wi neva waahn fala notn we nobadi se an wi a did sliev tu aal a di wikid sitn dem we wi waahn. Evridie wi beks wid wi wan aneda an wi eva waahn wa sumadi els av. Aal wi du a iet: wi iet evribadi an evribadi iet wi.

2 Piita 2:18

Dem mek big chat we no wot notn an chrai fi jraa we di piipl dem we jos bieli ton we fram di piipl dem we naa liv rait. Kaaz dem piipl ya bieli muuv we fram dem sitn de, an wi stil wel waahn av seks iivn duo dem no marid an dabl-dabl iina aal kain-a sin, di faalz tiicha dem yuuz dis an jraa dem we.

2 Piita 3:17

So fren, laik ou unu nuo dis aredi, wach out an no bada mek di rang we di wikid piipl dem we no bizniz wid Gad a du, kaaz unu fi chrie. Unu biliiv iina Gad chrang chrang nou, so no bada jrap aafa faam.

Juud 1:16

Dem piipl de no du notn bot grombl an paint fingga pan ada piipl; eniting we dem wikid aat tel dem fi du — a dat dem du. Dem buos bout demself an swiit-taak piipl so dem kyan yuuz dem fi di rang riizn.

Juud 1:18

Dem did tel unu se iina di laas die dem, di taim wen di worl bout fi don, unu gweehn av som piipl we gweehn mek fon a Gad an im mesij an im piipl. Dem a-go liv onggl fi di wikid sitn dem we dem waahn.

Juud 1:4

Kaaz som man slip iina unu choch anda di kwaiyat. Dem man de maak fi get mash dong fram wie bak wen, an a dat mi a-go tel unu bout. Dem man de no av notn fi du wid Gad. Kaaz Gad lov piipl iivn duo dem no dizorv it, dem yuuz dat fi du aal kain-a wikidnis an ton gens Jiizas Krais, wi onggl maasta an Laad.