2 Timoti 3:16 - Di Jamiekan Nyuu Testiment

¹⁶ Evri wod we iina Gad wod kom fram Gad. An da Wod de gud fi tiich piipl an fi put piipl iina dem plies wen dem staat se tingz we no iina Gad wod. It gud fi karek piipl an fi tiich dem ou fi liv rait.

2 Timoti 3:16 ပူးပေါင်းရင်းမြစ်များ

Ruoman 15:4

Evriting we rait dong iina Gad wod, rait dong fi tiich wi an fi elp push wi fi tan op chrang an no gi op so dat wi kyan gwaan luk fi get di sitn dem we Gad pramis wi.

Iibruu 4:12

Kaaz wen Gad taak, a laik se di sitn dem we im se alaiv, av powa an kyan du tingz! Gad wod kot beta dan eni wan a di tuu-saidid kotlis dem, an aal buor chuu an plit op suol fram spirit, an kot we wich paat di buon dem jain op fram di blod an sitn dem we de insaida di buon dem. It kyan joj we wi tingk iina wi aat an di sitn dem we wi waahn.

Maak 12:24

Jiizas ansa dem se, “Unu nuo se unu wel rang? An unu nuo wai? Kaaz unu no nuo we Gad wod se, an unu no nuo Gad powa.

2 Timoti 4:2

priich Gad wod an mek shuor se yu aalwiez redi fi priich. Ef di taim rait ar it no rait, priich it siem wie. Yu afi shuo di piipl dem di rang we dem a du an put dem iina dem plies kaaz dem a sin. Yu mos tek taim wid dem wen yu a tiich dem an push dem fi du wa rait.

2 Timoti 2:25

Gad sorvant, wen im a karek di wan dem we go gens di chuut, fi tek im taim wid dem. Kaaz Gad mait-a mek dem chienj dem wiez an lorn di chuut.

Aks 20:20

An unu nuo se wen mi did a priich tu unu, mi neva kip bak notn fram unu we kuda elp unu. An mi neva fried fi tiich unu infronta evribadi an fi go fram ous tu ous a tiich.

Jan 3:20

Kaa evribadi we du rang iet lait an dem no waahn fi waak out iina di lait, kaa dem fried se di lait gweehn shuo op di bad sitn dem we dem a du.

Matyu 13:52

Den im se tu dem se, “So, aal a di Laa tiicha dem we ton wan falara fi Gad kindom, dem komiin laik sumadi we uon wan ous an im tek outa im bochri uol sitn an nyuu sitn.”

Aks 18:25

Im did lorn bout di Laad Jiizas, an taak op chrang an tiich di sitn dem we rait bout Jiizas. Bot im onggl di nuo bout ou Jan baptaiz piipl, im neva nuo bout ou Jiizas se piipl fi get baptaiz.

Ruoman 2:20

Kaaz unu nuo di Laa unu fiil se unu nuo an andastan evriting an dat evriting we unu se a chuu sopm. An siek-a dat unu fiil se unu kyan karek di piipl dem we no nuo rait fram rang an unu kyan tiich di piipl dem we no nuo di chuut.

Gyalieshan 3:8

Gad did av a plan fi mek tingz rait bitwiin im an di piipl dem we a no Juu. Ef dem biliiv iina im, im wuda siev dem an tek we dem sin. Dis a did di gud nyuuz we Gad tel Iebriyam fram wie bak wen an we rait dong iina Gad wod. Gad tel Iebriyam se, “Piipl fram aal difrant konchri a-go get bles siek-a wa yu du.”

Iibruu 3:7

So den, jos laik wa di Uoli Spirit se, “Ef unu ier im vais tide,

1 Korintiyan 12:7

Gad gi evribadi sopm fi shuo se di Uoli Spirit riil an im du dat fi wi uon gud an fi di gud a evribadi.

Aks 20:27

Kaaz mi neva kip bak notn fram unu wen mi did a priich tu unu bout wa Gad waahn unu fi du.

Jan 10:35

Nou, wi nuo se wa rait dong iina Gad wod aalwiez chuu. So nou, ef Gad did se di piipl dem we im did a taak tu dem taim de a ‘gad,’

Matyu 26:56

Bot dis ya apm so wa di prafit dem se iina Gad wod kyan kom chuu.” Den aal a im speshal falara dem ron we lef im.

Aks 1:16

an se tu dem se, “Breda an sista, wa rait dong iina Gad wod did afi apm. Lang bifuo it apm, di Uoli Spirit did mek Dievid taak bout Juudas, di wan we sel out Jiizas an mek di piipl dem ares im.

Matyu 21:42

Jiizas se tu dem se, “Unu neehn riid iina Gad wod se: “‘Di rakstuon di bilda fling we, a it a uol op di bildin nou. A di Laad du dis, an wi yai uopm op waid waid wen wi si di sitn we im du’?

Ruoman 4:23

Bot di paat iina Gad wod we it se, “Gad mek tingz rait bitwiin dem,” dat neva rait dong fi Iebriyam wan,

Iibruu 11:1

Wen wi chos iina Gad it mek wi shuor bout di sitn dem we wi onggl uop se wi a-go get, an wi nuo se di sitn dem we wi kyaahn si, dem de de fi chuu.

Ruoman 3:2

An mi wuda tel dem se it gud fi bi wan Juu, a nof difrant sitn wi get, we elp wi iina nof difrant wie. Fos, a wi Gad did gi im Wod tu — a wi im chos wid im mesij.

Aks 28:25

So di liida dem staat aagyu mongks dem wan aneda an som a dem waak out afta di laas ting Paal se. Im did se, “Di Uoli Spirit did rait wen im did yuuz di prafit Aizaiya fi taak tu wi faada faada dem.

Maak 12:36

Di Uoli Spirit taak chuu Dievid an se: “ ‘Di Laad se tu fi mi Laad se: “Sidong a mi rait-an-said til mi put yu enimi dem anda yu fut.” ’

Matyu 26:54

Bot ef mi du dat, ou wa rait dong iina Gad wod, we se a so it fi go, wuda kom chuu, iihn?”

Matyu 22:43

Ier im no, “So, ou kom wen di Spirit did a liid Dievid, Dievid siem wan kaal di wan we Gad a sen fi siev piipl, ‘Laad’? Im du dis wen im se,