2 Timoti 3:11 - Di Jamiekan Nyuu Testiment

¹¹ Yu nuo bout aal a di sitn dem mi did afi go chuu an ou mi did sofa iina Antiyak, Aikoniyom an Lischra. Mi go chuu aal a dem sitn de an Gad bring mi chuu di uol a dem.

2 Timoti 3:11 ပူးပေါင်းရင်းမြစ်များ

Aks 13:14

Dem lef Porga an go a Pisidiyan Antiyak. Pan di Sabat dem go iina di Juu dem choch go sidong.

Aks 13:45

Wen di Juu dem si di kroud, dem get red yai an staat bad main Paal, an staat chat bout se wa im a se bout Jiizas a lai, an chat bad sitn bout Paal tu.

Aks 14:8

Iina Lischra yu did av wan kripl man a sidong. Im did baan wid im tuu fut dem kripl so im neva waak fram im baan.

Aks 20:19

ou mi ombl miself an sorv di Laad. An unu nuo ou mi baal siek-a aal di sofarieshan we mi did afi go chuu siek-a aal wa di Juu dem du tu mi.

Aks 23:10

Wen di kwaril get riili riili bad, di ed fi touzn suoja kech im fried kaaz im tingk se dem wuda tier op Paal. So im aada im suoja dem fi go dong go tek we Paal fram mongks dem an kyari im bak iina di suoja kyamp.

Aks 26:17

Mi a-go siev yu fram yu uona piipl an fram di piipl we a no Juu, we mi a-go sen yu tu.

Aks 26:22

Tu da die ya Gad a elp mi an so mi tan op infronta aal a unu, weda unu impuotant ar no impuotant, fi taak di chuut. Di siem ting wa Muoziz an di prafit dem did se a-go apm, a di siem ting mi a se.

Aks 9:16

Mi a-go shuo im umoch im afi go sofa fi fi mi siek.”

Ruoman 15:31

Prie se di piipl iina Judiya we no biliiv iina Jiizas Krais, prie se dem no ort mi. An prie tu se Gad piipl iina Jeruusilem wi api wid wa mi did du fi dem an tek wa mi bring fi dem.

2 Korintiyan 1:5

Wi an Jiizas a wan, so wi afi go sofa uol iip siem laik im. Bot jos laik ou wi did afi sofa, a siem so im a-go elp wi an tek kier a wi nof nof kaaz wi an im a wan.

2 Korintiyan 1:7

Wi biliiv iina unu an wi nuo se unu wi gwaan biliiv no mata wa unu fies kaaz jos laik ou unu sofa wid wi, Gad wi elp unu siem laik ou im elp wi.

2 Korintiyan 12:10

So mi api se mi wiik. Wen piipl chriit mi bad, wen chobl tek mi, wen piipl kaaz mi fi sofa an wen tingz aad, mi stil api. Mi api fi sofa fi Krais Jiizas kaaz wen mi wiik, a da taim de mi chrang.

2 Timoti 4:7

Mi wok aad fi Gad; mi fait fi wa mi biliiv iina. Mi priich Gad wod an du aal a wa Gad tel mi fi du; mi ron da ries ya til it don an no gi op. Mi a-go sorv im til mi ded.

2 Piita 2:9

So ef a so it go den, dat miin se di Laad nuo ou fi siev piipl we gud iina im yai fram di chraiyal an kraasiz dem we dem fies. An a siem so im nuo fi kip di wikid piipl dem we no bizniz wid im til jojment die kom an gwaan ponish dem.