2 Timoti 2:7 - Di Jamiekan Nyuu Testiment

⁷ Tingk pan dem sitn ya an Gad wi elp yu andastan di uol a dem.

2 Timoti 2:7 ပူးပေါင်းရင်းမြစ်များ

Luuk 21:15

Mi wi gi unu di wod dem so unu wi nuo ou fi ansa, so non a unu enimi dem kyaahn tan op gens unu ar se unu rang.

Luuk 24:45

Den Jiizas uopm op dem main an mek dem andastan we Gad wod se.

Luuk 9:44

“Ier wa mi a se an unu lisn mi gud! Dem a-go tek di Man we Gad Pik an gi im uova tu piipl we iet im.”

Jan 14:26

Bot di elpa, di Uoli Spirit, we di Faada gweehn sen kaa unu a mi falara, im a-go tiich unu evriting an im a-go memba unu bout evriting mi tel unu.

Jan 16:13

Bot wen di Spirit we shuo di chuu sitn dem bout Gad kom, im gweehn mek unu nuo aal a di sitn dem we chuu. Im naa go taak aafa im uon. Im onggl a-go taak wa im ier mi Faada se, an im a-go tel unu wa a-go apm.

Aks 7:10

an siev im outa aal a im chobl. Im mek im waiz an mek Fiero, di King a Iijip spirit tek im. So Fiero pik im fi ruul uova Iijip, an di uol a im palis.

1 Korintiyan 12:8

Gad Spirit mek som piipl kyan taak tingz we waiz, an ada piipl, Gad Spirit mek dem se tingz we ful op a wa Gad waahn piipl fi nuo.

Filipiyan 4:8

Mi breda an sista, wan muor ting mi waahn se tu unu. Unu si eniting we chuu, eniting we unu kyan rispek, eniting we rait, eniting we gud an kliin, eniting we piipl kyan luk pan an fiil gud bout, eniting we piipl kyan taak gud bout, eniting we fit fi get big op — a dem sitn de unu fi set unu aat an main pan aal di taim.

Koloshan 1:9

Siek-a dis, fram di die wi ier dat, wi no tap prie fi unu an a aks Gad fi mek unu nuo fi shuor wa im waahn unu fi du. Wi prie se im Spirit wi mek unu waiz an kyan andastan. Da wie de unu wi riili nuo wa im waahn.

1 Timoti 4:15

Memba dem sitn ya. Tingk bout dem aal di taim an put evriting iina di wok we mi gi yu, so piipl kyan si ou faar yu kom.

2 Timoti 2:6

An di faama we wok aad, shuda di fos fi iit we gruo iina di fiil.

2 Timoti 2:8

Memba uu Krais Jiizas bi. Jiizas a di wan we Gad bring bak fram di ded an we kom fram di siem fambili we Dievid kom fram. Dat a di mesij we mi tiich.

Iibruu 12:3

Unu fi luk pan Jiizas, luk ou di wikid sina dem chriit im wel bad, bot im uol aan an pres chuu siem wie. Unu fi tingk bout dat so unu no get taiyad an waahn gi op.

Iibruu 13:7

Memba unu liida dem we tel unu bout Gad wod. Tingk bout wa did apm siek-a ou dem liv dem laif, an chos iina Gad jos laik dem.

Iibruu 3:1

So mi breda an sista we bilang tu Gad, an we im kaal jos laik ou im kaal mi, unu fi kip unu main pan Jiizas. Im a di mesinja we Gad sen wi, an di liida fi di priis dem we go tu Gad fi wi, siek-a wa wi se wi biliiv iina.

Iibruu 7:4

Jos tingk bout ou big im bi, wen aal wan man laka Iebriyam, we a di faada fi di uol Izrel, gi im wan outa evri ten sitn we im did tek we!

Jiemz 1:5

Ef sumadi no waiz, aal dem afi du a aks Gad an im wi mek dem waiz, kaaz Gad naa go uol bak notn fram dem. Im wi gi dem wa dem aks fa so dem wi nuo se im lov dem.

Jiemz 3:15

Wa dem de piipl de kaal waiz no kom fram evn. Wa dem kaal waiz kom fram di worl, an no av notn fi du wid di Spirit — it kom fram di devl.

Jiemz 3:17

Bot unu si di piipl dem we Gad mek waiz, fos ting bout dem, dem aat kliin, dem a no waar-buot, dem kier bout ada piipl, an dem no aad-iez. Dem kwik fi paadn piipl we du dem rang, an dem aalwiez du we rait. Dem no paashal an dem a no ipokrit niida.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.