2 Timoti 2:4 - Di Jamiekan Nyuu Testiment

⁴ Riil suoja no bada imself wid evridie laif. Im onggl bizniz wid di aami wok, kaaz im waahn fi mek im komaanda api.

2 Timoti 2:4 ပူးပေါင်းရင်းမြစ်များ

Luuk 8:14

Di wan dem we jrap iina makabush, a di piipl we ier Gad wod, bot dem staat fret bout laif an aal dem kyan tingk bout a ou fi mek moni an ou fi enjai demself. Dem mek dem sitn de chuok dem so dem no bier no raip fruut.

2 Korintiyan 5:9

An so, wi mek shuor se evriting wi du a fi mek Gad api weda wi a liv pan ort ar wi de iina evn wid im.

Gyalieshan 5:1

Gad frii wi so dat wi wudn afi fala di Laa. So tan op chrang an no mek notn ar nobadi tek unu ton unu bak iina sliev.

1 Tesaluoniyan 2:4

Insted-a dem sitn de, wa wi did du? Wi taak laik man we Gad tes an tingk gud inof fi sen wid di mesij bout Jiizas. Wi naa chrai fi mek nobadi laik wi, wi onggl waahn du wa Gad waahn wi fi du kaaz a im a si wi aat.

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.

2 Piita 2:20

Ef nobadi manij fi get we fram di wikidnis a da worl ya, kaa dem kom fi nuo wi Laad, Jiizas Krais, di wan we siev wi, an den dem siem wan go tai op bak demself iina wikidnis an mek it kangka dem, dem wosaraaf nou dan bifuo dem did fos biliiv an staat fala Jiizas.