2 Timoti 2:26 - Di Jamiekan Nyuu Testiment

²⁶ An dem mait-a get sens an si se di devl chrap dem an kyan get outa it. Di devl did chrap dem so im kuda yuuz dem fi du im wok.

2 Timoti 2:26 ပူးပေါင်းရင်းမြစ်များ

1 Timoti 3:7

A no jos piipl we biliiv iina Jiizas wan, bot aal piipl we no biliiv iina Jiizas mos taak gud bout im. Kaaz ef piipl rispek im nobadi kyaahn se notn wikid bout im an di devl naa go kyan chrap im.

Ifiijan 5:14

Lait shuo op evriting an mek wi si wa dem riili komiin laik. A dat mek Gad wod se, “Unu we a sliip, wiek op, man. Aal a unu we ded, kom bak alaiv, an mek Krais Jiizas shain pan unu laka lait.”

Revilieshan 12:9

Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

1 Timoti 1:20

Tuu piipl we dis apm tu a Aimeniyos an Aligzanda. Mi ton dem uova tu Sietan so dat dem wi lorn no fi kos Gad.

Koloshan 1:13

Daaknis did ruul uova wi, an Gad kom siev wi fram di daaknis an bring wi wich paat im Bwai Pikni a-go ruul uova wi — im Bwai Pikni we im lov,

1 Korintiyan 15:34

Unu fi wiek op, tek kanchuol a unuself an tap sin. Unu shuda shiem, kaaz som a unu no nuo Gad at aal.

Aks 26:18

Mi a sen yu tu dem so yu kyan elp dem fi si an kom outa di daaknis an kom iina di lait. An mi a sen yu fi elp dem get frii fram Sietan powa an mek Gad ruul dem laif. Da wie de dem wi ton paat a Gad piipl uufa sin im paadn kaaz dem biliiv iina im.’

Aks 5:3

Den Piita aks im se, “Ananaiyas, ou kom yu mek Sietan tek kanchuol a yu an mek yu lai tu di Uoli Spirit? Yu kip bak som a di moni fi yuself, an kom a gwaan laik se yu a gi evriting?

Jan 13:27

An siem taim Juudas tek di bred so, Sietan tek uova im aat. “Mikies an du we yu bout fi du,” Jiizas se tu im.

Jan 13:2

Sopa did a sorv, an di devl did don put it iina Juudas, Saiman bwai pikni, aat fi sel out Jiizas.

Luuk 15:17

“Den im kech imself an se, ‘Bot di man dem we wok fi mi faada av muor fuud dan we dem kyan nyam an mi de ya a ded fi onggri!

Luuk 11:21

“Wen wan chrang man we av wepan, a gyaad im ous, evriting we im uon sief.

2 Korintiyan 2:11

Wi fi paadn im so dat Sietan no win kaaz wi nuo se im eva a luk fi wan wie fi kaaz chobl an mek piipl ton we fram Gad.

Luuk 5:10

Tuu a Saiman brejrin dem we did fraitn tu, a Jiemz an Jan, Zebidii bwai dem. Den Jiizas se tu Saiman, “No fried, fram nou aan, yu naa go kech fish, yu a-go kech piipl.”