2 Timoti 2:23 - Di Jamiekan Nyuu Testiment

²³ No av notn fi du wid no fuul-fuul ar chupid aagiment an no bada kos-kos wid nobadi uova Gad wod, kaaz yu nuo se dem sitn de onggl kaaz piipl fi fait.

2 Timoti 2:23 ပူးပေါင်းရင်းမြစ်များ

1 Timoti 1:4

Dem no fi wies dem taim niida pan mek op tuori we no mek no sens at aal, an dem no fi bada wid uu a uufa jinarieshan. Dem de sitn de onggl kaaz piipl fi kwaril-kwaril wid dem wan aneda insted-a chos iina Gad plan fi siev piipl.

1 Timoti 4:7

No av notn fi du wid di tuori dem we no chuu an we a jos fuulinish, bot wok aad fi fala we Gad se an liv ou yu nuo Gad waahn yu fi liv.

2 Timoti 2:14

No mek nobadi figet dem sitn ya. Waan dem iina Gad niem fi tap fait uova wa som wod miin. Dem sitn de no elp nobadi. It onggl mash op di piipl dem we ier it.

2 Timoti 2:16

Stie faar fram aagiment we no rispek Gad. Kaaz di piipl dem we get iina dem kain-a aagiment de wi staat jraa we fram im.

Taitos 3:9

No fait wid nobadi uova no fuul-fuul taak ar mek op tuori. An no bada kos-kos wid nobadi uova uu a uufa jinarieshan ar bout di laa. Stie faar fram dem sitn de kaaz dem no wot notn an dem kyaahn elp nobadi.

Jiemz 4:1

Mi breda an sista, wa unu tingk a kaaz unu fi a waar an chries aaf unu wan aneda? No di sitn dem we iina unu aat we unu wel waahn an a fait aad aad fi get, iivn duo unu nuo se dem no rait?