2 Timoti 2:20 - Di Jamiekan Nyuu Testiment

²⁰ Iina wan griet ous yu av nof difrant kain-a boul. Yu av guol boul an silva boul, boul we mek outa wud, boul we mek outa klie, boul we yu yuuz fi speshal taim an boul we yu yuuz evridie.

2 Timoti 2:20 ပူးပေါင်းရင်းမြစ်များ

Jan 8:49

“Mi no av no diiman iina mi,” Jiizas se. “Mi rispek mi Faada, bot unu no shuo mi no rispek.

Ruoman 9:20

So wiet, a uu unu tingk unu bi? Unu we a jos man, wa mek unu tingk se unu kyan chat bak tu Gad? “Di klie pat kyan ton roun an aks di sumadi we mek it, ‘Wa mek yu mek mi so?’ ”

1 Korintiyan 3:9

Mi an Apalos, wi a jos Gad sorvant an di tuu a wi a wok tugeda fi Gad. Bot unu, unu a Gad fiil we wi a plaant op, unu a Gad bildin.

2 Korintiyan 4:7

Iivn duo wi a laik som pat we mek outa klie an we iizi fi mash op, Gad mek wi andastan di Gud Nyuuz bout Jiizas an gi wi di powa fi tiich piipl, dat a laik wan chrezha. Im du it da wie de so dat evribadi wuda nuo se a no wi av di powa, bot a im riili av aal a di powa.

Ifiijan 2:22

So, unu piipl we a no Juu, kaaz unu chos iina Jiizas, Gad a bil op unu an di Juu dem we chos iina Jiizas. Im a bil unu op tugeda fi faam wan ous we Gad Spirit liv iina.

1 Timoti 3:15

In kies sitn uol mi bak mi a rait fi mek yu nuo ou piipl we a paat a Gad fambili mos biyiev. Gad fambili a di choch an di choch a fi Gad we liv fi eva an eva. Di choch sopuot an uol op di chuut jos laik ou di foundieshan an di kaana puos uol op wan bildin.

1 Piita 2:5

So unu fi kom tu di Laad laik stuon we a liv tu. An mek Gad Spirit yuuz unu fi bil op Gad ous. Iina da ous de unu a-go bi wan gruup a priis fi Gad — an fi Gad wan. An unu a-go bon sakrifais we Gad Spirit se unu fi bon, an im wi tek da sakrifais de siek-a wa Jiizas Krais du.