2 Timoti 2:16 - Di Jamiekan Nyuu Testiment

¹⁶ Stie faar fram aagiment we no rispek Gad. Kaaz di piipl dem we get iina dem kain-a aagiment de wi staat jraa we fram im.

2 Timoti 2:16 ပူးပေါင်းရင်းမြစ်များ

Taitos 3:9

No fait wid nobadi uova no fuul-fuul taak ar mek op tuori. An no bada kos-kos wid nobadi uova uu a uufa jinarieshan ar bout di laa. Stie faar fram dem sitn de kaaz dem no wot notn an dem kyaahn elp nobadi.

1 Timoti 6:20

So Timoti, gyaad di sitn dem we Gad gi yu fi tek kier a. Mek shuor yu kip dem sief. Stie faar fram taak we no av notn fi du wid Gad. No lisn tu di fuulinish wa som piipl taak chuu dem tingk dem waiz. Dem waahn fi kaal we dem a se nalij bot a no nalij dat.

Taitos 1:14

an no fala di mek op tuori we di Juu dem av, ar fala baka piipl we go gens Gad wod.

2 Timoti 2:14

No mek nobadi figet dem sitn ya. Waan dem iina Gad niem fi tap fait uova wa som wod miin. Dem sitn de no elp nobadi. It onggl mash op di piipl dem we ier it.

Revilieshan 13:3

Wan a di wail animal ed did av wan chap we luk laik it did kil im, bot im ed did get beta. Aal di piipl pan di ort shak wen dem si di wail animal,

2 Piita 2:18

Dem mek big chat we no wot notn an chrai fi jraa we di piipl dem we jos bieli ton we fram di piipl dem we naa liv rait. Kaaz dem piipl ya bieli muuv we fram dem sitn de, an wi stil wel waahn av seks iivn duo dem no marid an dabl-dabl iina aal kain-a sin, di faalz tiicha dem yuuz dis an jraa dem we.

2 Piita 2:2

A uol iip a piipl a-go fala dem an du aal kain-a naasinis. An siek-a wa dem du, ada piipl a-go waahn se aal kain-a bad sitn bout di wie we riili liid tu Gad — an aal gi da wie de bad niem.

Iibruu 12:15

Gad lov wi iivn duo wi no dizorv it, so mek shuor se nobadi no ton dem bak pan wa im du fi dem. An mek shuor se nobadi no galang laik bita ruut we gruo kom ton bita chrii. Dem piipl de wi kom kom mek chobl an brok out wan bag a piipl. Mek shuor se dat no apm.

Taitos 1:11

Yu mos shot dem op; tap dem fram taak fuulinish. Kaaz dem a kaaz aal wan uol-a fambili fi ton we fram di chuut siek-a di sitn dem we dem a tiich. Dem a tiich tingz we dem no fi tiich an dem a du it so dem kyan mek moni.

2 Timoti 3:13

Bot di wikid piipl dem an di fraad dem a-go get fram bad tu wos. Dem a-go gwaan chrik piipl an lou demself fi get chrik tu.

1 Timoti 4:7

No av notn fi du wid di tuori dem we no chuu an we a jos fuulinish, bot wok aad fi fala we Gad se an liv ou yu nuo Gad waahn yu fi liv.

1 Korintiyan 15:33

No mek dem fuul unu, “Ef yu kip fren wid wikid piipl, dem wi kaaz yu fi ton we fram we yu nuo rait, an mek yu du wikid sitn tu.”

1 Korintiyan 5:6

Unu no fi buosi-buosi. A no gud sopm dat! Unu no nuo se a onggl wan likl bit a yiis yu niid fi mek di uol a di duo swel op?

Revilieshan 13:14

Gad did lou di fos wail animal fi du som powaful sitn fi di sekan wail animal. Siek-a dem sitn de di piipl pan ort did get fuul op. Di sekan wail animal aada di piipl dem pan ort fi mek wan sitn we luk laik di wail animal we did get chap wid di suod bot we did stil liv.

1 Timoti 1:9

Wi andastan se di Laa neva mek fi gud piipl bot fi piipl we a kriminal an di wan dem we wudn fiil no wie ef dem brok di Laa. It mek fi piipl we no worship di chuu Gad an di sina dem, fi di wan we no fala no kain-a gad an di wan dem we kos Gad. Di Laa mek fi di mordara dem — aal di wan dem we wuda kil dem uona mada an faada.

2 Timoti 2:21

A siem wie it go wid piipl. Ef enibadi wi kliin op demself an ton fram aal we wikid, im wi komiin laik wan a di speshal boul dem. An Gad wi kyan yuuz im fi du speshal tingz. Im wi redi fi du aal kain-a gud sopm.