2 Timoti 2:13 - Di Jamiekan Nyuu Testiment

¹³ Ef wi ton wi bak pan im, im stil naa ton im bak pan wi. Kaaz Jiizas Krais kyaahn gwaan laik im no nuo uu im bi.

2 Timoti 2:13 ပူးပေါင်းရင်းမြစ်များ

Ruoman 3:3

Nou som a di Juu dem brok dem pramis an neva fala wa Gad wod se. So wa unu tingk? Unu tingk se kaaz dem de piipl de brok dem pramis, Gad naa go du wa im se im wuda du?

Taitos 1:2

An wen dem andastan Gad wod it wi gi dem sopm fi luk faawod tu. Dem wi luk fi si an nuo fi shuor se Gad wi mek dem liv fi eva. Kaaz lang bifuo di worl did mek Gad pramis fi mek wi liv fi eva, an Gad no lai.

2 Tesaluoniyan 3:3

Bot, memba se Gad wi aalwiez du wa im se im a-go du. Im a-go mek unu aat chrang, an im wi protek unu fram di wikid wan.

1 Tesaluoniyan 5:24

Di wan we kaal unu, im aalwiez du wa im se im a-go du, an im wi du dis tu.

1 Korintiyan 1:9

Gad, di wan we kaal unu fi bi wan wid im Bwai Pikni, wi Laad Jiizas Krais, aalwiez du wa im se im a-go du. So unu kyan chos se im wi de de fi unu.

Iibruu 6:18

Gad du tuu sitn we kyaahn chienj, kaaz wi nuo se Gad kyaahn lai. Im du dem tuu sitn de, so wi we ron tu im fi kip sief, wi wi fiil laik wi kyan uol aan chrang kaaz wi nuo fi shuor se wi a-go get di sitn dem we im pramis fi gi wi.

Matyu 24:35

Evn an ort naa go de bout fi eva, bot fi mi wod a-go laas fi eva.

Ruoman 9:6

Mi naa se Gad brok im pramis dem — Gad du evriting we im pramis fi du, bot a no evribadi we baan iina Izrel a riili Gad piipl.