2 Timoti 2:12 - Di Jamiekan Nyuu Testiment

¹² Ef wi no gi op, Wi a-go ruul wid im tu. Ef wi gwaan laik wi no nuo im, im wi gwaan laik im no nuo wi.

2 Timoti 2:12 ပူးပေါင်းရင်းမြစ်များ

Matyu 10:33

Bot enibadi we tel ada piipl se dem no nuo mi an dem a no mi falara, mi a-go du di sed ting tu dem infronta fi mi Faada we iina evn.

Matyu 26:35

So Piita se, “Aal ef dem afi kil mi wid yu, mi wi neva se mi no nuo yu.” An aal a im speshal falara dem se di siem ting.

Matyu 26:75

Den Piita memba we Jiizas did se: “Bifuo di ruusta kruo, yu a-go se yu no nuo mi, chrii taim.” Piita go outsaid an im baal, an im baal, an im baal so til.

Maak 10:33

Im se, “Luk ya no, wi a go op a Jeruusilem an dem a-go tek di Man we Gad Pik an ton im uova tu di ed priis an di Laa tiicha dem. Dem a-go joj im an se im gilti an fi ded, an dem a-go ton im uova tu di piipl we a no Juu.

Maak 8:38

Kaaz ef nobadi shiem a mi an fi mi mesij iina da worl ya we ful op a sin an piipl we ton dem main gens Gad, di Man we Gad Pik naa go av notn fi du wid dem wen im kom iina im Faada brait brait lait wid im uoli ienjel dem.”

Luuk 12:9

Bot enibadi we tel ada piipl se dem no nuo mi an ou dem no mi falara, mi a-go du di sed ting tu dem infronta Gad Ienjel dem.

Luuk 22:29

An nou mi a mek unu king, jos laik ou fi mi Faada mek mi king,

Luuk 22:30

so unu kyan nyam an jringk a mi tiebl iina mi kindom, sidong pan chuon, an joj Izrel twelv chraib dem.

Luuk 9:26

Ef enibadi shiem a mi an wa mi tiich, wen di man we Gad Pik kom, im a-go shiem a dem tu. Wen im kom im lait a-go shain roun im. An di lait we shain roun di Faada an di uoli ienjel dem, a-go shain roun im tu.

Aks 14:22

a elp di piipl dem we biliiv iina Jiizas fi get chrang iina wa dem biliiv. Dem tel dem fi eng aan pan di chuut we dem biliiv bout Jiizas. Dem tel dem se, “Wi afi go chuu nof sofarieshan fi get iina Gad kindom.”

Ruoman 5:17

A chuu se siek-a wan man sin, evribadi did afi ded, bot yu si wa apm siek-a wa Jiizas Krais did du, dat moch moch muor powaful dan we Adam did kaaz. Siek-a wa Jiizas du, Gad shuo wi lov iivn duo wi neva dizorv it. Gad put tingz rait bitwiin im an piipl siek-a wa Jiizas did du an evribadi we Gad mek tingz rait wid a-go ruul wid Jiizas wen dem riich a evn.

Ruoman 8:17

So sins wi a Gad pikni, wi a-go get aal a di sitn dem we Gad pudong fi bles im piipl wid. An no jos dat, aal a we Gad pudong fi Krais Jiizas, im a-go shier it wid wi. Kaaz ef wi sofa laik ou Krais Jiizas did sofa, wi no wi get big op laik im an get aal a di nais sitn dem we im a-go get tu.

Filipiyan 1:28

An no mek nobadi we a fait gens unu fraitn unu niida. Tan op chrang an dat wi shuo dem se dem a-go luuz an dat unu a-go win. A Gad imself a-go mek unu win.

1 Timoti 5:8

Bot enibadi we no tek kier a dem uona fambili dem a ton dem bak pan Gad wod an wosa dan sumadi we neva biliiv iina Gad at aal.

Juud 1:4

Kaaz som man slip iina unu choch anda di kwaiyat. Dem man de maak fi get mash dong fram wie bak wen, an a dat mi a-go tel unu bout. Dem man de no av notn fi du wid Gad. Kaaz Gad lov piipl iivn duo dem no dizorv it, dem yuuz dat fi du aal kain-a wikidnis an ton gens Jiizas Krais, wi onggl maasta an Laad.

Revilieshan 1:6

Siek-a dat wi komiin laik wan fambili, wan gruup a priis fi sorv Gad im Faada. So wi fi ana an rispek Jiizas Krais fi eva an eva! Iemen!

Revilieshan 1:9

Mi a Jan, unu breda an fren we a go chuu di siem sofarieshan we unu a go chuu. Aal a wi a-go tek paat iina Gad kindom, an siem laik unu, mi naa gi op — mi wi gwaan sofa til Gad kom bak. Kaaz mi priich Gad wod an tel piipl aal a di sitn dem we Jiizas shuo mi, dem put mi pan wan ailan niem Patmos.

Revilieshan 2:13

‘Mi nuo we unu liv. Unu liv we Sietan av im chuon bot unu stil biliiv iina mi. Unu neva ton we fram di chuut, iivn iina di taim wen dem kil mi sorvant, Antipas, iina di toun we Sietan ruul.

Revilieshan 20:4

Den mi si som chuon an di wan dem we did get powa fi ruul did sidong pan dem. An mi si di spirit fi di piipl dem uufa ed did get chap aaf kaaz dem biliiv iina Jiizas an tan op chrang fi im an fi Gad wod. Dem neva worship di wail animal ar di sitn we dem mek fi luk laik im an dem neva tek im maak pan dem farid ar pan dem an niida. Dem kom bak alaiv an ruul wid Krais Jiizas fi wan touzn ier.

Revilieshan 20:6

Di piipl dem we kom bak alaiv di fos taim riili api. Dem a Gad piipl. Di sekan det no av no powa uova dem. Dem a-go ton priis fi Gad an Krais Jiizas an dem a-go ruul wid im fi wan touzn ier.

Revilieshan 3:10

Kaaz mi tel unu fi tan op chrang an no gi op wen chobl tek unu, an unu dwi'it, mi a-go kip unu sief iina da taim de wen torbl kraasiz an sofarieshan a-go kom pan di uol worl fi tes aal uu liv pan di ort.

Revilieshan 3:21

Enibadi we biit di devl an no gi iin tu di sitn dem we im waahn dem fi du, mi a-go gi im di rait fi sidong saida mi, pan mi chuon, siem laik ou mi did biit di devl an no gi iin tu di sitn dem we im did waahn mi fi du, an sidong saida mi Faada pan fi'im chuon.

Revilieshan 3:8

Mi nuo evriting bout unu. (Luk ya, mi uopm wan duor infronta unu we nobadi kyaahn shot). Mi nuo se unu no chrang, bot unu stil eng aan pan mi wod an unu neva ton unu bak pan mi an se unu no biliiv mi.

Revilieshan 5:10

An yu ton dem iina wan kindom we ful-a priis fi sorv wi Gad, an dem a-go ruul pan di ort.”