2 Timoti 2:11 - Di Jamiekan Nyuu Testiment

¹¹ Nou lisn mi gud kaaz wa mi bout fi tel yu a no no lai bot a chuu sopm: Ef wi did ded wid im, Wi a-go liv wid im tu.

2 Timoti 2:11 ပူးပေါင်းရင်းမြစ်များ

Jan 14:19

Likl muo fram nou, di worliyan dem naa go si mi agen, bot unu gweehn si mi. Kaa mi a liv, unu gweehn liv tu.

Ruoman 6:5

Kaaz ef wi ded laik ou Jiizas did ded, sins wi an im a wan, wi no wi kom bak alaiv siem laik ou im did kom bak alaiv?

Ruoman 6:8

Nou ef wi did ded wid Krais Jiizas, wi biliiv se wi wi liv wid im tu.

2 Korintiyan 13:4

A chuu se, wen dem did niel im op pan di kraas, im neva shuo im powa — im mek imself wiik, bot Gad powa mek im kom bak alaiv an a liv nou. An siem laik ou im did wiik a siem so mi wiik, bot wan die unu wi si se Gad powa a-go mek mi liv laik ou Krais Jiizas a liv an mi a-go gwaan liv wid im.

2 Korintiyan 4:10

Evriwe mi go dem mek mi sofa an dem chrai fi kil mi siem laik ou dem di kil Jiizas. Bot mi wi gwaan sofa an priich di Gud Nyuuz so dat piipl wi luk pan mi an nuo se Jiizas alaiv an dat a im a kip wi alaiv.

1 Tesaluoniyan 4:17

Den wi we stil a liv, an we de pan ort siem wie, wi an dem a-go get tek op iina di kloud dem fi miit di Laad iina di ier an a so wi a-go en op de wich paat di Laad de fi eva.

1 Tesaluoniyan 5:10

Jiizas ded fi wi, so weda wi alaiv ar wi ded di uol a wi kyan go liv wid im.

1 Timoti 1:15

Nou lisn mi gud kaaz wa mi bout fi tel yu a no no lai bot a chuu sopm we di uol a wi fi tek an biliiv: Jiizas kom iina di worl fi siev sina. Luk pan mi, mi a did di wos kain-a sina an Gad siev mi.

1 Timoti 3:1

Wen piipl se a gud sopm ef wan man waahn ton elda iina di choch, a chuu dem a taak.

Taitos 3:8

Aal a wa mi jos tel yu, a chuu sopm. An a dat mi waahn yu fi tiich aad aad. Tiich it so dat aal a di piipl we biliiv iina Gad wi mek shuor se dem onggl du gud sitn; dem sitn ya gud an wi elp evribadi.