2 Timoti 1:16 - Di Jamiekan Nyuu Testiment

¹⁶ Mi prie se Gad wi gud an kain tu Onisiforos an im fambili. Kaaz im neva shiem fi kom luk fi mi iina jiel an fi mek mi aat api.

2 Timoti 1:16 ပူးပေါင်းရင်းမြစ်များ

Matyu 25:17

Di wan we did av tuu bag mek tuu muo tu.

Matyu 5:7

Unu we paadn piipl, Gad bles unu, kaaz im a-go paadn unu tu.

Aks 21:33

Den di ed fi touzn suoja kom an ares im an aada di ada suoja dem fi tai im op wid tuu chien. Den im aks a uu da man ya an a wa im du.

Aks 28:20

A dat mek mi aks unu fi miit wid mi. Matarafak, dem tek mi ton prizna an put mi iina dem chien ya siek-a di wan we di Izrel piipl dem a wiet fa an a luk fi kom.”

1 Korintiyan 16:18

An dem mek mi aat api siem laik ou dem mek fi unu aat api. So lisn gud tu wa piipl laik dem av fi se.

Ifiijan 6:20

kaaz a dat Krais Jiizas pik mi an mek mi wan a im apasl fa. An a dat dem lak mi op iina prizn fa. So prie se mi wi priich di Gud Nyuuz di wie ou mi fi priich it an no fried a notn.

2 Timoti 1:12

A kaaz mi tiich di Gud Nyuuz mek mi a sofa nou. Bot iivn duo mi iina prizn mi no shiem, kaaz mi nuo uu mi biliiv iina. An mi nuo se im wi kip sief aal a di sitn dem we im chos mi wid til di die Gad kom fi joj wi.

2 Timoti 1:17

Wen im riich a Ruom im luk fi mi aad aad an neva tap til im fain mi.

2 Timoti 1:18

Mi prie se pan di die Gad kom bak fi joj di worl dat im wi gud an kain tu Onisiforos. Yu nuo se im did elp mi nof nof wen mi did iina Efisos.

2 Timoti 1:8

So no shiem fi tel di piipl dem bout Gad. No shiem fi se yu nuo mi niida, jos chuu dem fling mi iina jiel kaaz mi sorv Gad. Yuuz di powa we Gad gi yu. Sofa wid mi an gwaan tel di piipl bout Gad.

2 Timoti 4:19

Tel Prisila an Akwila an evribadi we liv iina Onisiforos yaad oudi fi mi.

Failiiman 1:20

Mi breda mi wish se yu wuda du mi da fieva ya an mek mi api, sins mi an yu biliiv iina di siem Gad.

Failiiman 1:7

Failiiman, mi breda, yu lov fi Gad piipl, du mi aat gud an gi mi chrent. Yu lov kaaz aal a Gad piipl fi api.

Iibruu 10:34

Kaaz fi riil, unu aal sari fi di piipl dem we dem chuo iina prizn. An wen dem kom tek we unu sitn dem, unu mek dem galang wid dem, an aal a sumail sed wie, kaaz unu nuo se unu uon tingz we moch moch beta dan dem sitn de, an wa unu uon a-go laas fi eva.

Iibruu 6:10

Gad fier yu nuo. Im naa go figet wa unu du. Im naa figet ou unu shuo umoch unu lov im wen unu elp di breda an sista dem we biliiv iina Gad, an ou unu stil a elp dem.