2 Timoti 1:15 - Di Jamiekan Nyuu Testiment

¹⁵ Yu nuo se evribadi roun a Iezha said ton dem bak pan mi, aal di wan Fijilos an di wan Ormajinis.

2 Timoti 1:15 ပူးပေါင်းရင်းမြစ်များ

2 Timoti 4:16

Wen mi did go a kuot fi di fos taim fi chrai difen miself nobadi neva kom sopuot mi, di uol a dem lef mi fi fen fi miself. Mi uop Gad no uol it gens dem.

Filipiyan 2:21

Kaaz evribadi els onggl a luk out fi demself. Dem no bizniz bout notn we Jiizas Krais kier bout.

Aks 19:10

Paal kip dis op fi tuu ier, so dat evribadi we liv iina Iezha ier di Laad wod, weda dem a Juu ar Griik.

1 Korintiyan 16:19

Di choch dem we iina Iezha sen oudi fi unu. Akwila, Priska an di uol a di piipl dem we gyada a dem yaad fi kip choch a sen oudi fi unu iina di Laad niem.

Aks 19:27

Ef dis ting no tap, it a-go mash op wi bizniz. An no onggl dat, bot piipl a-go staat tingk se di ous fi di powaful gad Aatimis no wot notn no muor. An piipl aal uova Iezha an di uol worl we yuus tu worship ar, naa go worship ar no muor.”

Aks 16:6

Di Uoli Spirit wudn lou dem fi priich di gud nyuuz iina Iezha, so dem muuv chuu Frijiya an Gyaliesha.

Aks 20:16

Paal neva waahn spen no taim iina Iezha, so im did mek op im main fi siel paas Efisos, kaaz im did a ori fi si ef im kuda riich Jeruusilem bifuo Pentikas.

Aks 19:31

Aal som a Paal fren dem we di bilang tu di gruup a ruula dem we inchaaj a di siti sen wan mesij tu im an beg im no fi go de.

Aks 2:9

Evribadi ier dem uona Langwij, piipl we kom fram Paatiya, Miid, Iilom, piipl we kom fram Mesopotiemiya, Judiya, Kyapaduoshiya, Pontos, an Iezha,