2 Timoti 1:13 - Di Jamiekan Nyuu Testiment

¹³ Yu si di sitn dem we mi tiich, tek kier an fala dem, no tiich notn difrant. Yu fi du dis wid di sitn dem we wi biliiv an we Jiizas Krais gi wi an wid di lov we im gi wi tu.

2 Timoti 1:13 ပူးပေါင်းရင်းမြစ်များ

Ruoman 2:20

Kaaz unu nuo di Laa unu fiil se unu nuo an andastan evriting an dat evriting we unu se a chuu sopm. An siek-a dat unu fiil se unu kyan karek di piipl dem we no nuo rait fram rang an unu kyan tiich di piipl dem we no nuo di chuut.

Ruoman 6:17

Bot tangk Gad, iivn duo unu a did sin sliev, unu fala wid aal a unu aat, aal a di chuu sitn dem we mi did tiich unu.

Filipiyan 1:27

So mek shuor se unu liv ou di Gud Nyuuz bout Krais Jiizas se unu fi liv. Da wie de weda mi kom luk fi unu, ar mi no kom, mi wi ier se aal a unu a tan op chrang tugeda fi di siem ting an a fait fi wa unu biliiv bout di Gud Nyuuz.

Filipiyan 4:9

Di sitn dem we unu lorn, an we unu get fram mi, an we unu ier an si mi du, a dem sitn de unu fi aalwiez du. Wen unu du dem sitn de, Gad, di onggl wan we kyan gi unu piis iina unu aat an main, im wi bles unu.

Koloshan 1:4

Wi tangk im kaaz wi ier se unu chos iina Krais Jiizas, an wi ier ou unu lov aal a Gad piipl dem.

1 Tesaluoniyan 5:21

bot tes evriting. Eng aan pan wa gud,

1 Timoti 1:10

It mek fi di man dem we av seks wid ada man, ar uman we av seks wid ada uman, an fi piipl we tek paat iina aal kain-a seks sin. Di Laa a fi di wan dem we kech an sel piipl fi ton sliev, an fi piipl we a laiyad an piipl we go a kuot go tel lai pan ada piipl. Matarafak it a fi enibadi we go gens di chuu mesij we wi tiich,

1 Timoti 1:14

Jiizas Krais wi Laad did shuo mi lov iivn duo mi neva dizorv it at aal at aal. Im kaaz mi fi biliiv iina im an fi lov piipl.

1 Timoti 6:3

Ef enibadi tiich notn we no ad op wid we wi Laad Jiizas tiich wi an ou Gad se wi fi liv, ar wos, a tiich se Gad wod a no chuu,

2 Timoti 1:1

Timoti, dis a Paal, Jiizas Krais apasl. Gad pik mi fi bi Jiizas apasl an sen mi fi go tel evribadi bout di laif we Gad pramis fi gi wi ef wi biliiv iina Krais Jiizas.

2 Timoti 1:14

Gyaad di sitn dem we Gad gi yu fi tiich. Gyaad dem wid di elp a di Uoli Spirit we liv iina yu.

2 Timoti 2:2

Yu si di sitn dem wa yu ier mi tiich an priich bout Jiizas Krais infronta nof piipl, yu fi tiich it tu piipl we yu kyan chos an we kyan tiich tu. Tiich it tu dem so dat dem kyan go tiich ada piipl.

2 Timoti 3:14

Bot yu si yu Timoti, gwaan uol aan tait tait pan wa yu lorn an wa yu biliiv iina kaaz yu nuo a uu tiich yu.

2 Timoti 4:3

Kaaz wan taim a-go kom wen piipl naa go put op wid ar lisn tu wa Gad piipl a tiich. Insted-a dat, fi mek demself api, dem a-go luk fi di tiicha dem we wi tel dem wa dem waahn fi ier, kaaz dem lov ier nyuu sitn.

Taitos 1:9

Di elda mos uol aan chrang pan di riil mesij bout Jiizas, we wi tiich. Im afi du dis so im kyan tiich piipl di rait sitn an karek di wan dem we a tiich di rang sitn.

Taitos 2:1

Taitos, yu afi tiich wa rait; yu afi tiich di chuut.

Taitos 2:8

Mek shuor se wa yu a tiich a riili Gad wod we nobadi kyaahn taak gens. Da wie de di piipl dem we go gens yu wi shiem kaaz dem kyaahn se notn bad bout wi.

Iibruu 10:23

Mek wi uol aan chrang an gwaan biliiv se wi a-go get di sitn dem we Gad se im a-go gi wi — a dat wi tel di worl se wi biliiv. So mek wi uol aan pan dat an no staat tingk sitn els. A Gad pramis wi, an wat-eva im pramis fi du, im a-go du fi chuu.

Iibruu 3:6

Bot Krais Jiizas, im a Gad Bwai Pikni. Gad put im inchaaj an im tek kier a Gad piipl dem an du wa Gad tel im fi du, jos laka ou wan bwai pikni we aalwiez du we im mada an faada tel im fi du wuda luk aafa dem ous an fambili. An ef wi uol aan chrang an gwaan luk tu Gad laik we wi buos bout aal di wail, den wi a paat a Gad piipl.

Iibruu 4:14

Wi av wan liida fi di priis dem we a di bigis wan outa aal a di liida dem fi priis. Im go we Gad de — dat a Jiizas, Gad Bwai Pikni. So laik ou im a fi wi liida fi priis, di uol a wi we se wi biliiv iina im fi uol aan chrang chrang an gwaan biliiv siem wie.

Juud 1:3

Mi breda an sista, mi did a du evriting fi rait unu bout di nyuu laif we Gad gi aal a wi kaaz wi an Jiizas Krais a wan. Bot mi afi rait an tel unu fi tan op chrang an fait fi di sitn dem we Gad piipl get, an we wi biliiv iina. Wi get dem wan taim fi aal a Gad piipl an dem kyaahn chienj.

Revilieshan 2:25

Mi onggl waahn unu fi eng aan pan wa unu av til mi kom.

Revilieshan 3:11

Mi suun kom so eng aan pan we unu av so dat nobadi kyaahn tek we unu kroun.

Revilieshan 3:3

So memba di mesij we unu did ier an biliiv; du we it se, ton we fram unu sin. Ef unu no wiek op, mi a-go kom tu unu laik wan tiif, an unu naa go nuo di taim wen mi a-go kom gens unu.