2 Tesaluoniyan 3:7 - Di Jamiekan Nyuu Testiment

⁷ Kaaz unu siem wan don nuo aredi se unu fi fala wi, an wi neehn aigl an liezi wen wi did de mongks unu.

2 Tesaluoniyan 3:7 ပူးပေါင်းရင်းမြစ်များ

2 Tesaluoniyan 3:6

Nou, breda an sista, iina wi Laad Jiizas Krais niem, wi a tel unu, kip we fram enibadi we se dem biliiv bot no waahn wok, an we naa waak laik ou wi tel unu fi waak.

2 Tesaluoniyan 3:9

A no kaaz wi no av di rait fi du dat mek wi neehn du it yu no, bot a kaaz wi waahn mek shuor se unu si ou unu fi liv, an liv da wie de.

1 Korintiyan 4:16

So mi a beg unu, liv unu laif laik ou unu si mi a liv fi mi uon.

1 Korintiyan 11:1

Unu mos fala mi, an du wa mi du. Jos laik ou mi fala Krais Jiizas, an du we im du.

Filipiyan 3:17

So breda an sista, aal a unu fi liv laik ou mi liv. Luk fi di piipl dem we liv laik ou mi liv an fala dem.

Taitos 2:7

Yu, Taitos, mek shuor se yu eva a du gud sitn an liv rait, so piipl wi si ou yu liv an fala wa yu du. Wen yu tiich mek shuor se yu taak di chuut an tek it siiros.

1 Timoti 4:12

No mek nobadi put yu dong kaaz yu yong. Mek shuor yu liv rait so piipl kyan fala yu: lov piipl, chos iina Gad an liv wan kliin laif an no sin.

1 Tesaluoniyan 2:10

Unu siem wan si an nuo, an Gad si an nuo tu se wen wi did de mongks unu we biliiv, wi neehn du notn rang. Wi du di rait sitn dem an nobadi kudn bliem wi fi notn.

Filipiyan 4:9

Di sitn dem we unu lorn, an we unu get fram mi, an we unu ier an si mi du, a dem sitn de unu fi aalwiez du. Wen unu du dem sitn de, Gad, di onggl wan we kyan gi unu piis iina unu aat an main, im wi bles unu.

1 Piita 5:3

No aada-aada roun di piipl dem we Gad gi unu fi tek kier a. Bot unu fi biyiev gud so dem wi waahn fala unu.

1 Tesaluoniyan 5:14

An breda an sista, wi beg unu fi waan di aiglaz dem we no waahn wok; elp di wan dem we friedi-friedi fi get briev, an elp di wan dem we wiik iina eni kain-a wie tu. An beg unu du, tek unu taim wid evribadi.