2 Tesaluoniyan 3:3 - Di Jamiekan Nyuu Testiment

³ Bot, memba se Gad wi aalwiez du wa im se im a-go du. Im a-go mek unu aat chrang, an im wi protek unu fram di wikid wan.

2 Tesaluoniyan 3:3 ပူးပေါင်းရင်းမြစ်များ

Matyu 5:37

Ef a ‘yes’ unu a se, se ‘yes’ an don, ef a ‘nuo’ — den se ‘nuo’ an don. Ef unu put notn muo pan dat, a siek-a di wikid wan.

Matyu 6:13

An no mek wi fies notn we wi kaaz wi fi sin, bot protek wi fram di wikid wan.’

Luuk 11:4

Paadn wi fi aal a di rang we wi du, kaa wi paadn piipl we du wi rang tu. An no mek wi fies notn we wi kaaz wi fi sin.’ ”

Jan 17:15

Mi naa prie an aks yu fi tek dem outa di worl, bot dat yu fi gyaad dem fram di wikid wan.

1 Korintiyan 1:9

Gad, di wan we kaal unu fi bi wan wid im Bwai Pikni, wi Laad Jiizas Krais, aalwiez du wa im se im a-go du. So unu kyan chos se im wi de de fi unu.

1 Korintiyan 10:13

Di siem sin dem we unu a chogl wid, evribadi els a chogl wid dem tu. Bot Gad gud, im naa go mek yu fies no sin an no gi yu wan wie fi diil wid it — im naa go gi yu muor dan yu kyan manij.

1 Tesaluoniyan 5:24

Di wan we kaal unu, im aalwiez du wa im se im a-go du, an im wi du dis tu.

2 Tesaluoniyan 2:17

Wi prie se wi Laad Jiizas an wi Faada Gad wi gwaan gi unu gud wod an mek unu aat chrang, so unu wi aalwiez se an du wa gud.

2 Timoti 4:18

Di Laad naa go mek no wikid sitn ort mi. Im a-go kip mi sief an kyari mi go a im uom iina evn. Priez im fi eva an eva! Iemen!

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

2 Piita 2:9

So ef a so it go den, dat miin se di Laad nuo ou fi siev piipl we gud iina im yai fram di chraiyal an kraasiz dem we dem fies. An a siem so im nuo fi kip di wikid piipl dem we no bizniz wid im til jojment die kom an gwaan ponish dem.

Juud 1:24

Di onggl Gad, di wan we siev unu, av powa fi kip unu fram tombl dong iina di devl chrap. Im wi mek unu tan op infronta im iina im brait brait lait wen im kom bak iina aal a im powa, an mek unu wel api an no fain no faalt wid unu.