2 Tesaluoniyan 3:16 - Di Jamiekan Nyuu Testiment

¹⁶ Nou mi prie se di Laad imself we gi piis, wi gi unu piis iina unu aat fi eva, no mata wa a gwaan. An mi prie se im wi tan wid di uol a unu.

2 Tesaluoniyan 3:16 ပူးပေါင်းရင်းမြစ်များ

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Jan 14:27

“Mi a lef go we, bot mi a-go mek unu av piis iina unu aat — di kain-a piis we mi av iina fi mi aat. A no di sed kain-a piis yu get fram di worl. No mek unu aat bada unu, an no kech unu fried.

Matyu 1:23

Di prafit did se, “Lisn op! Di uman we neehn sliip wid no man a-go get biebi — a wan bwai shi a-go av, an dem a-go kaal im Imanyuwel.” Da niem de miin, “Gad de ya wid wi.”

Ruoman 15:33

Nou mi prie se Gad we gi piipl piis iina dem aat wi tan wid di uol a unu. Iemen!

Ruoman 16:20

Suun, Gad we gi piipl piis iina dem aat, wi put Sietan anda yu fut an mash im op. Mi prie se di Laad Jiizas Krais wi shuo unu lov iivn duo wi no dizorv it.

Luuk 2:14

“Priez Gad we de a evn, an piis fi evribadi we Gad api wid.”

1 Tesaluoniyan 5:23

Wi prie se Gad imself we gi piipl piis, wi put unu wan said fi liv fi im an sorv im wid aal a unu aat, an wi mek unu tan jos laik im iina evri wie. An wi prie se im wi no mek no paat a unu — spirit, suol ar badi, kyan get bliem fi notn wen wi Laad Jiizas Krais kom bak.

2 Timoti 4:22

Mi prie se Gad wi tan wid yu an dat im wi shuo yu lov iivn duo wi no dizorv it.

Ruoman 1:7

So mi a rait da leta ya tu aal a unu iina Ruom we Gad lov an uu im kaal fi bi im piipl. Mi prie se wi Faada Gad an di Laad Jiizas Krais wi shuo unu lov iivn duo wi no dizorv it an gi unu piis iina unu aat.

Matyu 28:20

Gwaan go tiich dem fi lisn an fala aal a di ruul dem we mi gu'unu. An memba, mi no lef unu non at aal, mi de wich paat unu de til taim don.”

Failiiman 1:25

Mi prie se Jiizas Krais wi Laad wi shuo di uol a unu lov iivn duo wi no dizorv it.

Iibruu 13:20

Gad gi wi piis iina wi aat. Im tek di blod we mek di nyuu plan bitwiin wi an im laas fi eva, an mek di ed shepad fi di shiip dem kom bak alaiv — dat a wi Laad Jiizas Krais. Mi prie se di Gad, we du aal a dem sitn ya

Iibruu 7:2

Iebriyam tek wan outa evri ten sitn we im did get iina di waar an a kyari go baka im yaad, an gi im. Nou di niem Melkezidek riili miin ‘king we du wa rait,’ bot den ‘king fi Sielem’ kyari wan difrant miinin, dat miin ‘king we mek piis.’

2 Korintiyan 13:11

Breda an sista, aal mi av fi se fi don da leta ya a dat mi uop se unu wi api. Chienj unu wiez an liv ou unu sopuoz fi liv. Mi a beg unu lisn an fala aal we mi tel unu. Kom tugeda an biliiv di siem ting an liv iina piis wid unu wan aneda. An Gad we lov wi an we gi wi piis wi tan wid unu aalwiez.

1 Korintiyan 14:33

Kaaz Gad no diil wid kanfyuuzhan, im waahn im choch fi ron sortn an sortn wie. An im waahn aal a di choch dem fi ron so.

2 Tesaluoniyan 3:18

Mi prie se wi Laad Jiizas Krais wi shuo unu lov iivn duo wi no dizorv it.

Ifiijan 6:23

Mi prie se Faada Gad an wi Laad Jiizas Krais wi elp aal a unu we chos iina im, fi liv iina piis an lov unu wan aneda.

1 Tesaluoniyan 3:11

Nou wi prie se Faada Gad imself an wi Laad Jiizas wi mek wi kyan kom luk fi unu.