2 Tesaluoniyan 2:7 - Di Jamiekan Nyuu Testiment

⁷ Kaaz wan wikid sitn de bout we a wok anda di kwaiyat fi kaaz piipl fi go gens Gad Laa. Bot sumadi a uol it bak. An di wan we a uol it bak a-go gwaan uol it til im get muuv outa di wie.

2 Tesaluoniyan 2:7 ပူးပေါင်းရင်းမြစ်များ

1 Jan 2:18

Breda an sista di worl suun don. Unu did ier se di wan we go gens Krais Jiizas a-go kom. Wel nof piipl we go gens Krais Jiizas de ya aredi. A so wi nuo se di worl suun don.

Aks 20:29

Mi nuo se afta mi lef som man a-go kom mongks unu we komiin laik som torbl wail animal an dem a-go kom mash op di choch.

1 Jan 4:3

An eni spirit we se a lai se Jiizas did kom laik wan man, no kom fram Gad at aal. Da spirit de a di spirit fi di Wan we go gens Gad. Memba se unu did ier se di Wan we go gens Gad wuda kom. Wel im de ya aredi.

Revilieshan 17:7

Bot di ienjel se tu mi se: “Wa yu a fraitn bout? Mek mi tel yu di siikrit bout di uman niem an di wail animal we shi a raid we av di sevn ed wid di ten aan dem.

Revilieshan 17:5

Shi av wan niem rait pan ar farid we nobadi no nuo wa it miin. Di niem se: A MI A POWAFUL BABILAN. MI A DI MUMA FI AAL UOR AN FI AAL KAIN-A SEKS SIN AN NAASINIS IINA DI WORL.

1 Timoti 3:16

Aal a wi nuo fi shuor se di uol a di sitn dem we Gad shuo wi, we jos big an powaful, a chuu. A chuu se: Jiizas baan a ort laik wan man. Di Uoli Spirit pruuv se Gad did tek im fi im Pikni an di ienjel dem did si im. Piipl priich tu evribadi bout im, evribadi put dem chos iina im an Gad tek im op iina evn.

2 Tesaluoniyan 2:6

Nou, unu don nuo aredi di wan we a uol im bak, an im a-go gwaan uol im bak so im kyan kom wen a fi im taim fi kom.