2 Tesaluoniyan 2:10 - Di Jamiekan Nyuu Testiment

¹⁰ Im a-go du aal kain-a wikidnis fi chrik op di piipl dem we boun fi ded, kaaz dem did ton dem bak, an neehn lov di chuut we wuda siev dem.

2 Tesaluoniyan 2:10 ပူးပေါင်းရင်းမြစ်များ

Matyu 13:11

Jiizas se, “Unu get di chaans fi nuo di siikrit sopm dem bout Gad kindom, bot no dem.

Jan 3:17

Kaa yu si, Gad neehn sen im Bwai Pikni iina di worl fi rait aaf di piipl iina di worl. Nuo! Gad sen im fi siev dem.

Jan 5:34

A no se mi waahn piipl fi taak bout mi. Mi onggl a tel unu bout dis, so Gad kyan siev unu.

Ruoman 10:1

Breda an sista, wid aal a mi aat mi a uop an a prie tu Gad se fi mi piipl, di piipl a Izrel, wi get siev.

Ruoman 16:18

Kaaz dem piipl de, dem naa sorv wi Laad Jiizas Krais, dem onggl a sorv demself. Dem a swiit-mout, dem yuuz aal kain-a fansi wod fi chrik an miks op di piipl dem we no nuo beta.

Ruoman 6:17

Bot tangk Gad, iivn duo unu a did sin sliev, unu fala wid aal a unu aat, aal a di chuu sitn dem we mi did tiich unu.

1 Korintiyan 1:18

Kaaz di mesij bout ou Jiizas ded pan di kraas fi wi, komiin laik fuulinish tu di wan dem we no biliiv an we a-go go a el. Bot tu wi, di wan dem we siev, it shuo ou Gad powaful.

1 Korintiyan 16:22

Ef sumadi no lov di Laad, mi uop se Gad wi joj im an sen im fi ded. Kom wi Laad Kom!

2 Korintiyan 11:13

Kaaz dem piipl de, dem se dem a apasl, bot dem a no no apasl. Dem gwaan laik se a Gad sen dem an chrai fi chrik piipl an mek dem biliiv se dem a wan a Jiizas apasl dem, bot dem a no no apasl.

2 Korintiyan 11:15

So den it no fi sopraiz nobadi se fi im sorvant dem a chrai fi chrik piipl tu an gwaan laik se di wok we dem a du a gud sopm. Bot di die gweehn kom wen dem a-go get aal we dem a wok fa.

2 Korintiyan 2:15

Kaaz wi komiin laik di swiit sumel we insens gi aaf — di insens dem we Jiizas gi Gad. An da sumel de pred out mongks di piipl we a get siev an mongks di piipl dem we naa go get siev.

2 Korintiyan 2:17

Wi no komiin laik nof ada piipl we chriit Gad wod laik a sopm chiip we dem kyan sel an mek moni. Nuo! Gad sen wi fi tiich im Wod an chuu wi a Jiizas sorvant dem wi aalwiez tiich di chuut laik se Gad did tan op rait infronta wi.

Ifiijan 4:14

Wen da taim de kom, wi naa go komiin laik likl pikni we iizi fi get fuul op. Wi naa go komiin laik wan likl buot we di sii pich aal bout, ar we briiz bluo aal uova di plies. No laiyad, jinal tiicha kyaahn kom chrik wi ar fuul wi op.

1 Tesaluoniyan 2:16

An aal wen wi fi taak tu di piipl dem we a no Juu so dem kyan get siev, di Judiyan piipl dem did chrai fi no mek wi taak tu dem. Bot dem eva a sin a galang so til dem bok, so Gad kech op wid dem nou an a joj dem aad aad.

2 Tesaluoniyan 2:12

So aal a uu neehn biliiv di chuut, bot did wel glad fi tan iina sin, Gad a-go ponish dem.

2 Tesaluoniyan 2:13

Bot breda an sista, wi afi gi Gad tangks fi unu aal di wail. Di Laad lov unu an so im pik unu an kaal unu fi get siev fram iivn bifuo im mek di worl. Di Spirit kliin unu op fi Gad, an unu biliiv iina di chuut tu, so unu get siev.

1 Timoti 2:4

Im waahn evribadi fi get siev an fi nuo di chuut.

Iibruu 3:13

Insted-a dat, elp unu wan aneda evridie, so langks a ‘Tide’ it niem, so sin no ful op non a unu aat, an mek it tof op.

2 Piita 2:12

Bot dem ya faalz tiicha ya, dem redi fi chat gens, an a kos out tingz we dem no andastan. Dem no iivn tap an tingk — dem dis a gwaan laik wail animal we baan fi piipl kech an kil. An a siem so Gad a-go kot dem dong!

2 Piita 2:18

Dem mek big chat we no wot notn an chrai fi jraa we di piipl dem we jos bieli ton we fram di piipl dem we naa liv rait. Kaaz dem piipl ya bieli muuv we fram dem sitn de, an wi stil wel waahn av seks iivn duo dem no marid an dabl-dabl iina aal kain-a sin, di faalz tiicha dem yuuz dis an jraa dem we.