2 Tesaluoniyan 1:9 - Di Jamiekan Nyuu Testiment

⁹ Dem a-go get ponish. Dem a-go sofa fi eva an eva, kaaz dem naa go kyan de we di Laad de, an dem naa go eva get fi si ou di Laad big an powaful.

2 Tesaluoniyan 1:9 ပူးပေါင်းရင်းမြစ်များ

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Matyu 22:13

“Den di king tel di sorvant dem we wok iina di ous se, ‘Tai op im an an fut dem, an chuo im wich paat it blak laka migl nait. De-so, dem a-go baal an grain dem tiit, siek-a di pien we a waks dem.’

Matyu 24:30

“Den, yu av sitn we mek evribadi nuo se di Man we Gad Pik a kom, piipl a-go si da sitn de op iina di ier, an piipl fram aal uova a-go staat baal. Dem a-go si di Man we Gad Pik a kom pan kloud we kom outa evn, an im a-go av powa, an wan brait brait lait we kom fram Gad a shain roun im.

Matyu 25:41

“Den di king a-go se tu aal uu de pan im lef-an-said se, ‘Gwe fram saida mi! Gwaan go bon op iina di faiya we a bliez fi eva an eva. A it Gad did fiks op fi di devl an im ienjel dem, bot im a sen unu go de tu!

Matyu 25:46

“An dem piipl ya, dem a-go go wich paat dem get ponish fi eva, bot di wan dem we du we rait iina Gad yai, Gad a-go mek dem liv fi eva.”

Matyu 26:24

Di Man we Gad Pik mos go siem ou Gad wod se im a-go go, bot yu si di man we sel im out — chobl fi'im mi tel yu! Im wuda betaraaf ef im neehn baan.”

Matyu 7:23

Bot a gweehn se tu dem se, ‘Mi no nuo yu non at aal. Gwe fram ya-so! Aal unu du a brok Gad Laa!’

Luuk 13:27

Im wi se, ‘Mi no nuo unu an mi no nuo we unu kom fram. Gu we fram mi, unu uol wikid unu.’

Jan 5:14

Afta di liida dem kwestiyan di man, Jiizas fain im iina Gad ous an se tu im, “Si'it de, yu beta nou! Tap sin ar sitn wosa mait-a go apm tu yu.”

Filipiyan 3:19

Dem piipl de, fi dem gad a dem beli an wa dem badi waahn. Di sitn dem we dem shuda shiem bout, a dem sitn de dem a buos bout. Di onggl ting we ful op dem main a di sitn dem we iina da worl ya. Gad gweehn mash dong dem piipl de.

1 Tesaluoniyan 5:3

Wen piipl staat fi se wi av piis an evriting sief, braps — a dat de taim tingz a-go ton opsaid dong. Sofarieshan a-go lik dem so faas laik wen pien staat riich di uman we bout fi av biebi. An dem naa go kyan ron we fram it.

2 Tesaluoniyan 2:8

An den, di wan we brok Gad Laa a-go shuo op an mek evribadi nuo uu im bi. Bot wen di Laad Jiizas kom im a-go bluo pan im kil im, an Jiizas brait brait lait a-go waip im out fi gud.

Taitos 2:13

It a tiich wi wail wi wiet an luk faawod fi di die wen wi laad an sievya Jiizas Krais kom bak iina aal a im powa.

Iibruu 10:29

So a umoch wos Gad fi ponish sumadi we chrampl op pan im Bwai Pikni, an we chriit Jiizas blod laik se it chiip, wen a it yuuz fi set op di nyuu plan we Gad mek? An a it yuuz fi tek we da siem sumadi de sin. Umoch wos im ar shi fi get ponish wen dem taak gens di Uoli Spirit we shuo wi wan kain-a lov we wi no iivn dizorv — iihn, umoch wos?

2 Piita 2:17

Dem piipl ya komiin laik wan foutn widout no waata, dem a laik kloud we staam bluo we; di daakis paat a el a wiet fi dem.

2 Piita 3:7

An a Gad siem wod a kip di evn an di ort ya nou til jojment die wen im a-go bon dem op iina faiya an ponish di piipl dem we no bizniz wid wa im se.

Juud 1:13

Di wikid sitn we dem du a-go shuo op laik fraat pan sii waata. Dem piipl ya komiin laik staar we no tan we Gad put dem fi tan, so Gad a-go lak dem op iina wan daak daak plies fi eva an eva.

Revilieshan 20:11

Den mi luk an si wan big, big, wait chuon an sumadi sidong pan it. Di ort an di skai did disapier fram infronta im an nobadi neva si dem agen.

Revilieshan 20:14

Den det an di plies we ded piipl de get fling dong iina di liek a faiya. Dis a di laas taim piipl a-go ded. Di liek a faiya a di laas det.

Revilieshan 21:8

Bot di wan dem we a kowad, we no biliiv iina Gad, we mek demself doti wid aal a di naasi sitn we dem du, we kil piipl, we tek paat iina aal kain-a seks sin, we wok uobiya, we worship faalz gad an we tel lai — dem a-go get fling dong iina di liek a faiya we a bon wid solfa. A dis a di sekan det.”

Revilieshan 22:15

Bot di piipl dem we mek demself doti wid aal kain-a naasinis kyaahn go iina di siti: piipl we wok uobiya, du aal kain-a seks sin, kil piipl, worship faalz gad, an piipl we lov fi tel lai, non a dem kyaahn go iina di siti.