2 Tesaluoniyan 1:7 - Di Jamiekan Nyuu Testiment

⁷ An unu we a sofa, im a-go mek di sofarieshan tap wen di Laad Jiizas kom fram evn an shuo imself. Da taim de aal a wi a-go get fi res, wi naa go sofa no muo. Jiizas a-go kom fram evn wid im powaful ienjel dem,

2 Tesaluoniyan 1:7 ပူးပေါင်းရင်းမြစ်များ

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Matyu 16:28

Mi a tel unu dis, an a chuu mi a taak, som a unu we tan op ya-so naa go ded bifuo unu si di Man we Gad Pik a kom ruul az king.”

Matyu 25:31

“Wen di Man we Gad Pik kom wid di powa we im av kaa im a king, an aal a di ienjel dem kom wid im, im a-go sidong pan im tap-a-tap chuon.

Matyu 25:41

“Den di king a-go se tu aal uu de pan im lef-an-said se, ‘Gwe fram saida mi! Gwaan go bon op iina di faiya we a bliez fi eva an eva. A it Gad did fiks op fi di devl an im ienjel dem, bot im a sen unu go de tu!

Matyu 26:64

So Jiizas se tu im se, “Yu se it yuself. Bot ier mi no, fram nou aan yu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Maak 14:62

“Ye!” Jiizas ansa, “An unu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Maak 8:38

Kaaz ef nobadi shiem a mi an fi mi mesij iina da worl ya we ful op a sin an piipl we ton dem main gens Gad, di Man we Gad Pik naa go av notn fi du wid dem wen im kom iina im Faada brait brait lait wid im uoli ienjel dem.”

Luuk 16:25

“Iebriyam ansa im an se, ‘Pikni, wen yu did alaiv, a bier gud sitn yu get, an a bier bad sitn riich Lazaros, nou im api an a liv aarait an yu a sofa.

Luuk 17:30

“A siem so it a-go apm pan di die di Man we Gad Pik kom bak.

Jan 1:3

Gad kaaz di wan we a di Wod fi mek evriting. Notn no de we im neehn mek.

Jan 1:51

Den im se, “Mi a tel unu fi chuu chuu se unu gweehn si di skai uopm op, an unu a-go si Gad ienjel dem a go op iina evn an a kom dong pan di ort tu di Man we Gad Pik.”

Aks 1:11

an se tu dem se, “Unu man we kom fram Gyalalii, wa mek unu tan op ya-so wid unu yai faasn pan di skai? Da siem Jiizas ya we unu si get tek op fram unu iina evn, im a-go kom bak di siem wie, jos laik ou unu si im go op iina evn.”

Aks 3:19

So ton we fram unu sin, beg Gad paadn an kom bak tu im, so dat im wi tek we unu sin dem.

Ruoman 8:17

So sins wi a Gad pikni, wi a-go get aal a di sitn dem we Gad pudong fi bles im piipl wid. An no jos dat, aal a we Gad pudong fi Krais Jiizas, im a-go shier it wid wi. Kaaz ef wi sofa laik ou Krais Jiizas did sofa, wi no wi get big op laik im an get aal a di nais sitn dem we im a-go get tu.

1 Korintiyan 3:13

Pan di die wen Krais Jiizas kom bak evribadi a-go nuo wa evribadi bil wid an evribadi a-go nuo ef wa evribadi bil gud kaaz Gad a-go tes it wid faiya.

2 Korintiyan 4:17

Di likl chobl an di sofarieshan we wi a go chuu nou, naa go laas fi eva an dem a no notn wen yu tingk bout di nais nais sitn dem we Gad a-go gi wi, wen wi riich a evn.

Ifiijan 1:2

Mi a prie se Faada Gad an wi Laad Jiizas Krais, wi shuo unu lov iivn duo wi no dizorv it an gi unu piis iina unu aat.

Koloshan 1:16

Kaaz Gad yuuz Jiizas fi mek evriting we de a evn an we de pan di ort: evriting — aal we piipl kyan si an we dem kyaahn si. Evriting — a im mek di powaful spirit dem we a liid, ar a ruul. Evri singgl ting a im mek dem an a im dem mek fa.

1 Tesaluoniyan 3:13

Da wie ya, unu aat wi get chrang so unu wi du di sitn dem we shuo se unu bilang tu wi Faada Gad. An so im naa go kyan bliem unu fi notn wen unu tan op infronta im wen wi Laad Jiizas kom bak wid aal a im piipl dem.

2 Timoti 2:12

Ef wi no gi op, Wi a-go ruul wid im tu. Ef wi gwaan laik wi no nuo im, im wi gwaan laik im no nuo wi.

Taitos 2:13

It a tiich wi wail wi wiet an luk faawod fi di die wen wi laad an sievya Jiizas Krais kom bak iina aal a im powa.

Iibruu 10:27

Bot notn no lef fi wi du dan fi wiet an fried a Gad jojment we a kom, plos di wikid wikid faiya we im a-go tek bon op di piipl dem we fait gens im.

Iibruu 12:29

Kaaz fi riil, wi Gad a laik wan faiya we bon op tingz.

Iibruu 4:1

So wi fi mek shuor se Gad no pramis fi gi wi piis an res an wi en op no get it kaaz wi gilti a sopm.

Iibruu 4:11

So wi fi chrai aad aad fi mek shuor se wi get da kaina res de we Gad gi, so nobadi no mis di chaans fi get it kaaz dem go du di sed sitn dem we dem faada faada did du — no lisn Gad an no du wa im se dem fi du.

Iibruu 4:9

So jos laik ou Gad did res pan die sevn, afta im did don mek di worl, a so wan Sabat res stil de de fi Gad piipl dem.

Iibruu 9:28

wel a siem so, Krais Jiizas sakrifais imself onggl wan taim fi paadn uol iip a piipl sin. Bot wen im kom bak, a no kom im a kom fi tek we sin bot fi siev di piipl dem we a wiet fi im.

1 Piita 3:22

Jiizas Krais de iina evn nou an im de saida Gad rait an. Im av kanchuol uova aal a di ienjel dem, an di spirit dem we ruul an av powa.

2 Piita 3:7

An a Gad siem wod a kip di evn an di ort ya nou til jojment die wen im a-go bon dem op iina faiya an ponish di piipl dem we no bizniz wid wa im se.

Juud 1:7

A siem so Sadam an Gomaro an di piipl dem we liv nier dem tek paat iina aal kain-a seks sin an ron aafa aal kain-a naasinis. Gad bon dem op wid faiya we a-go bon fi eva an eva mek evribadi si wa wi apm ef dem fala dem wikid piipl de.

Revilieshan 1:7

Luk de! Im a kom iina di kloud, an evri yai a-go si im, iivn di wan dem we mek dem kil im wid di suod; an aal di piipl dem pan ort a-go baal siek-a im. A so it a-go go! Iemen.

Revilieshan 14:10

Gad a-go beks bad an a-go ponish dem wikid. A laik se dem a jringk chrang wain we Gad chuo gi dem iina wan kop an it no waata dong. Gad gweehn ponish dem wid solfa we a-go bon dem op laik faiya infronta im uoli ienjel dem an di Biebi Shiip.

Revilieshan 14:13

Den mi ier wan vais fram evn se tu mi se, “Rait dong dis: fram nou aan, di piipl dem we ded an dem an di Laad a wan, a dem bles.” Di Spirit se, “Yes, dem aad wok don, an dem a res nou, an aal a di sitn dem wa dem did du wi taak fi dem.”

Revilieshan 20:11

Den mi luk an si wan big, big, wait chuon an sumadi sidong pan it. Di ort an di skai did disapier fram infronta im an nobadi neva si dem agen.

Revilieshan 21:4

Gad a-go waip dem fies an jrai op aal a dem yai-waata. Nobadi naa go ded agen, so nobadi naa go ala ar baal. An nobadi naa go fiil no pien, kaaz dem uol taim sitn de don we wid.”

Revilieshan 22:16

“A mi, Jiizas, sen mi ienjel kom tel yu dem sitn ya fi tel di choch dem. Mi a di wan we kom fram King Dievid fambili — Mi a di wan we komiin laik di brait staar we shain wen di son a kom op a maanin taim.”

Revilieshan 22:6

Di ienjel tel mi se, “Aal a dem sitn ya we mi a tel yu chuu an evribadi kyan biliiv dem. Di Laad, di Gad we gi'im Spirit tu im prafit dem fi priich im wod, sen im ienjel kom shuo im sorvant di sitn dem we suun apm.”

Revilieshan 22:9

bot di ienjel se tu mi se, “Nuo, no du dat! Mi a wan sorvant jos laik yu an yu breda — di prafit dem, an aal uu du we rait dong iina da buk ya. A Gad yu fi worship!

Revilieshan 6:11

Den evri wan a dem get wan lang wait jakit we kech dem klier dong a dem fut, an sumadi tel dem se dem fi wiet likl langga til di res a Gad piipl dem we fi get kil laik dem, get kil.