2 Tesaluoniyan 1:5 - Di Jamiekan Nyuu Testiment

⁵ Aal a dem sitn ya shuo plien plien se Gad joj piipl ou dem fi get joj, kaaz im a get unu redi fi im kindom we unu a sofa fa.

2 Tesaluoniyan 1:5 ပူးပေါင်းရင်းမြစ်များ

Filipiyan 1:28

An no mek nobadi we a fait gens unu fraitn unu niida. Tan op chrang an dat wi shuo dem se dem a-go luuz an dat unu a-go win. A Gad imself a-go mek unu win.

Aks 14:22

a elp di piipl dem we biliiv iina Jiizas fi get chrang iina wa dem biliiv. Dem tel dem fi eng aan pan di chuut we dem biliiv bout Jiizas. Dem tel dem se, “Wi afi go chuu nof sofarieshan fi get iina Gad kindom.”

Revilieshan 19:2

Priez im kaaz im joj piipl ou dem fi get joj. Im joj di powaful uor we mek aal di piipl pan di ort tek paat iina ar seks sin dem. Im ponish ar fi'im piipl dem we shi kil.”

Luuk 20:35

bot di piipl dem we fit fi liv iina di taim wen ded piipl kom bak alaiv, dem naa go get marid.

2 Timoti 2:12

Ef wi no gi op, Wi a-go ruul wid im tu. Ef wi gwaan laik wi no nuo im, im wi gwaan laik im no nuo wi.

2 Tesaluoniyan 1:11

A dat mek wi kip aan a prie fi unu. Wi prie se Gad wi mek unu gud inof fi di kain-a laif we im kaal unu fa. An wi prie se Gad wi elp unu so dat wid fi im powa unu wi du aal a di gud sitn dem we unu waahn fi du, an unu wi du dem tu kaaz unu biliiv iina im.

Ruoman 8:17

So sins wi a Gad pikni, wi a-go get aal a di sitn dem we Gad pudong fi bles im piipl wid. An no jos dat, aal a we Gad pudong fi Krais Jiizas, im a-go shier it wid wi. Kaaz ef wi sofa laik ou Krais Jiizas did sofa, wi no wi get big op laik im an get aal a di nais sitn dem we im a-go get tu.

Revilieshan 16:7

Den mi ier wan vais fram di alta se: “Yes, Laad Gad, nobadi no powaful laik yu, yu joj piipl ou dem fi get joj an gi dem wa dem dizorv!”

Revilieshan 15:4

Uo Laad, uu wudn fried a yu, an big yu op an gi yu nof rispek, kaaz nobadi els no uoli laik yu? Aal a di piipl dem iina di worl afi go kom niil dong infronta yu an worship yu, kaaz evribadi si se evriting we yu du rait.”

Revilieshan 3:4

Bot unu av som piipl mongks unu iina Saadis we kip dem kluoz kliin — dem naa liv iina sin. An dem piipl de a-go jres op iina wait kluoz an waak wid mi kaaz dem liv ou Gad waahn dem fi liv.

1 Tesaluoniyan 2:14

Breda an sista, unu komiin jos laik Gad choch dem iina Krais Jiizas, we de a Judiya. Kaaz a fi unu uona piipl dem, we de wich paat unu de, a mek unu sofa di siem wie ou di Judiyan piipl dem mek dem we de a Judiya sofa.

Koloshan 1:12

an a gi di Faada tangks tu. A Faada Gad mek unu gud inof fi kom get wa im pudong fi im piipl dem iina im kindom. Faada Gad a lait an fi im kindom ful op a im lait.

Ifiijan 4:1

So den, mi we de a prizn kaaz mi a sorv di Laad, a beg unu — unu we Gad pik fi bi im piipl; mi a beg unu fi liv ou Gad waahn unu fi liv.

Ruoman 2:5

Bot kaaz unu aad-iez an mek op unu main se unu naa ton we fram unu sin — unu a mek tingz aad fi unuself. Pan di die wen Gad kom bak fi joj di worl, im a-go ponish unu. Im a-go shuo se im beks wid di piipl dem we a sin, an im a-go ponish dem. An im a-go ponish unu aada dan di res a piipl dem.

Aks 13:46

Bot Paal an Baanabas neva fried fi tel dem di chuut. Dem se, “Wi did afi priich Gad wod tu unu fos bifuo wi kuda priich tu di piipl we a no Juu, kaaz a dat Gad tel wi fi du. Bot unu ton unu bak pan Gad mesij an se a lai wi a tel. Da wie de unu ton unu bak pan Gad. An unu tingk se unu neva gud inof fi liv wid im fi eva an eva laik wa im did pramis. So fram nou aan, wi a lef unu an go priich Gad mesij tu di piipl dem we a no Juu.

Luuk 21:36

Aalwiez a wach, prie se unu wi kyan get we fram aal a wa a-go apm, an prie se unu kyan tan op infronta di Man we Gad Pik.”