2 Piita 3:3 - Di Jamiekan Nyuu Testiment

³ Fos ting fos, unu fi andastan se iina di laas die dem, piipl we mak piipl we biliiv iina Jiizas, a-go kom laaf aafa unu tu. Dem waahn fi du di rang sitn dem an a dat dem galang go du!

2 Piita 3:3 ပူးပေါင်းရင်းမြစ်များ

Jan 12:48

Yu av wan joj fi di piipl dem we ton dem bak pan mi, an no lisn tu wa mi se. Di sopm dem we mi se gweehn joj dem pan di laas die.

2 Korintiyan 4:2

Wi no av notn fi du wid di bad sitn dem we piipl aid an du, an we bring dong shiem pan dem. Wi no chrai fi chrik nobadi an wi no ad ar chienj op notn we de iina Gad wod. Gad a wi witnis se wi onggl tiich di chuut an so piipl nuo se dem kyan chos wi.

2 Timoti 3:1

Bot nuo dis, iina di laas die dem tingz a-go get aad aad.

Iibruu 1:2

Bot iina dem laas die ya, im yuuz im Bwai Pikni fi taak tu wi. Im pik im, an kom gi im evriting. Gad pik im tu, so Gad kuda mek di worl.

2 Piita 1:20

Muo dan notn els, unu fi andastan se di mesij we di prafit dem get fram Gad, we de iina Gad wod, a neehn mek dem mek it op.

2 Piita 2:10

An aal di wan dem we eva gi iin tu wa dem badi waahn an iet nobadi we ruul uova dem, a dem im a-go ponish wikid wikid. Dem faalz tiicha ya, so brait an out-a-aada an tingk se dem nuo muo dan evribadi els, so dem mosn lisn wa nobadi se. An dem no fried fi bad mout di spirit dem we av powa fi ruul uova piipl.

1 Jan 2:18

Breda an sista di worl suun don. Unu did ier se di wan we go gens Krais Jiizas a-go kom. Wel nof piipl we go gens Krais Jiizas de ya aredi. A so wi nuo se di worl suun don.

Juud 1:16

Dem piipl de no du notn bot grombl an paint fingga pan ada piipl; eniting we dem wikid aat tel dem fi du — a dat dem du. Dem buos bout demself an swiit-taak piipl so dem kyan yuuz dem fi di rang riizn.

Juud 1:18

Dem did tel unu se iina di laas die dem, di taim wen di worl bout fi don, unu gweehn av som piipl we gweehn mek fon a Gad an im mesij an im piipl. Dem a-go liv onggl fi di wikid sitn dem we dem waahn.