2 Piita 2:3 - Di Jamiekan Nyuu Testiment

³ Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!

2 Piita 2:3 ပူးပေါင်းရင်းမြစ်များ

2 Korintiyan 2:17

Wi no komiin laik nof ada piipl we chriit Gad wod laik a sopm chiip we dem kyan sel an mek moni. Nuo! Gad sen wi fi tiich im Wod an chuu wi a Jiizas sorvant dem wi aalwiez tiich di chuut laik se Gad did tan op rait infronta wi.

1 Tesaluoniyan 2:5

An unu nuo se wi neehn kom swiit-mout non a unu no taim at aal, an Gad si an nuo se wi neehn a chrai yuuz notn we wi se fi tek advaantij a non a unu niida.

Ruoman 16:18

Kaaz dem piipl de, dem naa sorv wi Laad Jiizas Krais, dem onggl a sorv demself. Dem a swiit-mout, dem yuuz aal kain-a fansi wod fi chrik an miks op di piipl dem we no nuo beta.

Juud 1:15

Im a kom fi joj evribadi. Im gweehn ponish aal di wikid piipl dem fi aal di rang sitn dem we dem du gens Gad an fi aal di taim we dem kos im out.”

Taitos 1:11

Yu mos shot dem op; tap dem fram taak fuulinish. Kaaz dem a kaaz aal wan uol-a fambili fi ton we fram di chuut siek-a di sitn dem we dem a tiich. Dem a tiich tingz we dem no fi tiich an dem a du it so dem kyan mek moni.

1 Timoti 6:5

Dem sitn ya onggl kaaz bier aagiment mongks piipl we main wikid an no nuo di chuut. Dem piipl de tingk se fi fala Gad, a wan wie fi mek moni.

2 Piita 2:9

So ef a so it go den, dat miin se di Laad nuo ou fi siev piipl we gud iina im yai fram di chraiyal an kraasiz dem we dem fies. An a siem so im nuo fi kip di wikid piipl dem we no bizniz wid im til jojment die kom an gwaan ponish dem.

2 Piita 2:1

Yu did av faalz prafit we yuus tu kom tu di piipl dem iina di paas, a siem so nou faalz tiicha wi kom tu unu. Widout unu iivn si wa a gwaan, dem wi siniik iin di faalz sitn we dem tiich fi mek unu chrie. An dem aal a se Jiizas Krais, di Laad an Maasta, a no fi dem Laad, wen a im siem wan did pie fi mek dem go frii, so dat sin no av no powa uova dem. Bot bifuo dem kyan iivn bat dem yai, a el an powda ous dem a bring dong pan demself.

2 Piita 1:16

Wen wi tel unu bout di powa a wi Laad Jiizas Krais an ou im a-go kom bak, a neva no mek op tuori wi did a tel unu bout. Bot a tingz we wi si fi wiself. Wid wi uona yai dem wi did si di brait brait lait.

1 Piita 5:2

tek kier a di shiip dem we Gad gi unu, an no du it kaaz nobadi a fuos unu fi du it bot kaaz unu waahn fi du it. A so Gad waahn it fi go. No du it kaaz unu waahn moni niida bot du it kaaz unu riili waahn fi elp dem.

Taitos 1:7

Sins di elda a-go inchaaj a Gad wok, im afi bi sumadi we di piipl dem kyan rispek an no av notn bad fi se bout. Im no fi ful-a imself, kwik fi get beks an im no fi lov waar niida. Im no fi lov jringk tu moch an im no fi lov ron dong moni.

Juud 1:11

Tingz gweehn torbl fi dem man ya! Dem tan jos laik Kien we morda im breda. Dem komiin laik Bielam — dem wi du eniting fi get moni. Dem go gens Gad jos laik ou Kuora did go gens Muoziz. Gad gweehn mash dem dong siem laik ou im did mash dong Kuora.

Juud 1:7

A siem so Sadam an Gomaro an di piipl dem we liv nier dem tek paat iina aal kain-a seks sin an ron aafa aal kain-a naasinis. Gad bon dem op wid faiya we a-go bon fi eva an eva mek evribadi si wa wi apm ef dem fala dem wikid piipl de.

Juud 1:4

Kaaz som man slip iina unu choch anda di kwaiyat. Dem man de maak fi get mash dong fram wie bak wen, an a dat mi a-go tel unu bout. Dem man de no av notn fi du wid Gad. Kaaz Gad lov piipl iivn duo dem no dizorv it, dem yuuz dat fi du aal kain-a wikidnis an ton gens Jiizas Krais, wi onggl maasta an Laad.

1 Piita 2:8

an wan neks paat iina Gad wod se, “Dis a wan stuon we kaaz man fi tombl dong — wan rak we wi chrip dem.” Dem tombl dong a grong kaa dem neva fala wa Gad se. An dat a wa Gad did plan fi dem.

1 Timoti 3:8

Siem laik di elda, di diikan dem fi bi sumadi we piipl rispek. Dem no fi tel wan sumadi sitn an go tel sumadi els sitn difrant, dem no fi lov jringk tu moch an dem no fi waahn waahn moni.

1 Timoti 3:3

Im no fi lov jringk tu moch an im no fi lov fait, bot im fi nais an jengkl an liv iina piis wid evribadi. Pan tap a dat im no fi lov moni niida.

1 Tesaluoniyan 5:3

Wen piipl staat fi se wi av piis an evriting sief, braps — a dat de taim tingz a-go ton opsaid dong. Sofarieshan a-go lik dem so faas laik wen pien staat riich di uman we bout fi av biebi. An dem naa go kyan ron we fram it.

Jan 2:16

Im se tu dem we did a sel di dov dem se, “Tek we dem sitn ya outa ya! No tek mi Faada ous ton maakit!”

Luuk 22:47

Wen Jiizas did stil a taak, aal av a sodn wan kroud kom dong. Wan a Jiizas twelv apasl dem, di wan we niem Juudas, did a liid dem. Im go fi kis Jiizas,

Luuk 20:20

Den dem wach Jiizas laik wan aak. Dem aiya som man iina siikrit fi gwaan laik se dem anis, so ef im se notn rang dem kuda kech im an ton im uova tu di Ruoman govana we inchaaj a di ieriya.

Luuk 18:8

Gad wi mek shuor se dem get jostis kwik kwik. Bot wen di Man we Gad Pik kom baka ort, im a-go fain piipl we biliiv iina im?”

Juud 1:16

Dem piipl de no du notn bot grombl an paint fingga pan ada piipl; eniting we dem wikid aat tel dem fi du — a dat dem du. Dem buos bout demself an swiit-taak piipl so dem kyan yuuz dem fi di rang riizn.