2 Piita 2:20 - Di Jamiekan Nyuu Testiment

²⁰ Ef nobadi manij fi get we fram di wikidnis a da worl ya, kaa dem kom fi nuo wi Laad, Jiizas Krais, di wan we siev wi, an den dem siem wan go tai op bak demself iina wikidnis an mek it kangka dem, dem wosaraaf nou dan bifuo dem did fos biliiv an staat fala Jiizas.

2 Piita 2:20 ပူးပေါင်းရင်းမြစ်များ

Filipiyan 3:19

Dem piipl de, fi dem gad a dem beli an wa dem badi waahn. Di sitn dem we dem shuda shiem bout, a dem sitn de dem a buos bout. Di onggl ting we ful op dem main a di sitn dem we iina da worl ya. Gad gweehn mash dong dem piipl de.

2 Timoti 2:4

Riil suoja no bada imself wid evridie laif. Im onggl bizniz wid di aami wok, kaaz im waahn fi mek im komaanda api.

Jiemz 1:27

Di kain-a wok we gud an kliin iina Faada Gad yai a dis: elp di pikni dem uufa faada an mada dem ded an we a sofa, an di uman dem we ozban ded an we a sofa tu, an kip we fram di wikid sitn dem we iina di worl.

2 Piita 1:11

Da wie ya, Gad wi uopm op waid waid tu unu di duor fi di kindom a wi Laad an Sieviya Jiizas Krais — di kindom we a-go laas fi eva an eva. An im a-go gi unu aal rait fi go iin de.

2 Piita 1:2

Mi prie se Gad wi aalwiez shuo unu im lov an mek unu api aal di taim wen unu a lorn muo an muo bout im an bout wi Laad Jiizas.

2 Piita 1:3

Im tek fi im uona powa an gi wi evriting we wi niid fi liv di kain-a laif we im waahn wi fi liv. An dis apm onggl kaaz wi lorn muo an muo bout im. Im a di wan we kaal wi fi shier iina uu im bi — wid aal a im powa an di priez an ana we piipl gi im.

2 Piita 1:4

Siek-a dem sitn ya im gi wi di big an preshos preshos gif we im did pramis wi. So, wi kyan komiin muo an muo laik Gad, an aal shier iina uu im bi. An da wie de wi kyan ron we fram di wikidnis we iina da worl ya, we set fi kil aaf piipl. Di wikidnis we kom bout siek-a ou dem wel waahn fi sin.

2 Piita 1:8

Ef unu av dem kain-a wiez ya, an unu riili nuo di Laad Jiizas Krais, dem sitn ya wi gruo muo an muo iina unu aat. An gud sitn wi apm iina unu laif.

2 Piita 2:18

Dem mek big chat we no wot notn an chrai fi jraa we di piipl dem we jos bieli ton we fram di piipl dem we naa liv rait. Kaaz dem piipl ya bieli muuv we fram dem sitn de, an wi stil wel waahn av seks iivn duo dem no marid an dabl-dabl iina aal kain-a sin, di faalz tiicha dem yuuz dis an jraa dem we.

2 Piita 3:18

Gwaan mek wi Laad Jiizas Krais we siev wi, lov unu an chriit unu gud, an unu fi gwaan lorn muo an muo bout im tu. Mi prie se im wi get di priez, tide, tumaro an fi eva! Iemen.