2 Piita 2:12 - Di Jamiekan Nyuu Testiment

¹² Bot dem ya faalz tiicha ya, dem redi fi chat gens, an a kos out tingz we dem no andastan. Dem no iivn tap an tingk — dem dis a gwaan laik wail animal we baan fi piipl kech an kil. An a siem so Gad a-go kot dem dong!

2 Piita 2:12 ပူးပေါင်းရင်းမြစ်များ

Maak 7:22

sliip wid ada piipl we dem no marid tu, waahnti-waahnti, wikid, tel lai, no bizniz wid no laa an brok evri wan a dem, red yai, tek dem mout tier dong ada piipl, shuo aaf, an ful op a aal kain-a fuulinish.

Jan 8:21

Den Jiizas se tu dem agen se, “Mi a go we, an unu gweehn luk fi mi, bot unu gweehn ded iina unu sin. Unu kyaahn kom we paat mi a go.”

Gyalieshan 6:8

So ef yu plaant di sitn dem we yu badi waahn, a ded unu a-go ded — a dat unu a-go riip. Bot ef yu plaant di sitn dem we Gad Spirit waahn yu wi riip laif, wan laif we naa go don.

Koloshan 2:22

Aal a dem ruul ya a taak bout fuud an jringk we onggl yuuz wan taim an we no wot notn afta dat. An unu no fi fala dem ruul ya, kaaz a jos piipl mek dem op an tiich dem.

2 Piita 1:4

Siek-a dem sitn ya im gi wi di big an preshos preshos gif we im did pramis wi. So, wi kyan komiin muo an muo laik Gad, an aal shier iina uu im bi. An da wie de wi kyan ron we fram di wikidnis we iina da worl ya, we set fi kil aaf piipl. Di wikidnis we kom bout siek-a ou dem wel waahn fi sin.

2 Piita 2:19

Dem pramis se dem a-go frii di piipl dem, bot dem siem wan a sliev — an wikidnis a dem maasta, kaaz di uol a wi a sliev fi eniting we a ruul uova wi.

Juud 1:10

Bot dem ya piipl ya se som torbl torbl sitn bout we dem no andastan. Dem a gwaan laik wail animal wa kyaahn tingk out notn. An di sitn dem we dem du andastan widout afi tingk bout dem, a dem sitn de mash dem op.