2 Piita 1:5 - Di Jamiekan Nyuu Testiment

⁵ A dis mek unu fi chrai aad nou fi no jos chos iina Gad, bot du gud fi ada piipl tu. An no jos du dat wan, bot unu fi mek shuor se unu riili nuo bout Gad tu.

2 Piita 1:5 ပူးပေါင်းရင်းမြစ်များ

Luuk 16:26

An muor dan dat, wan diip diip chrench de bitwiin wi uova ya-so an unu uova de-so, an nobadi fram non a di said dem kyaahn kraas uova.’

Luuk 24:21

Bot wi did a uop se im a did di wan fi frii Izrel. Nou a chrii die sins aal a dis apm.

Jan 6:27

No wok fi fuud we kyan pwail an we naa go laas no taim. Wok fi di kain-a fuud we a-go mek unu liv fi eva, a dat de fuud di Man we Gad Pik gweehn gi unu. Faada Gad put im speshal maak pan im fi shuo se im av di rait fi du we im du.”

1 Korintiyan 14:20

Breda an sista no tingk laik se unu a pikni, unu fi tingk laik se unu a big piipl. Onggl gwaan laik pikni wen it kom tu wikidnis kaaz pikni no du no iip a wikid sitn.

Ifiijan 5:17

So no bada gwaan laik unu chupid. Fain out we di Laad riili waahn unu fi du.

Filipiyan 1:9

So mi riili a prie se unu wi lov unu wan aneda muor an muor, so unu kyan nuo an andastan

Filipiyan 2:12

So mi gud fren, unu si siem laik ou unu aalwiez du we Gad waahn unu fi du, no onggl wen mi de de wid unu bot wos laik ou mi no de de, gwaan du di sitn dem we wi mek piipl si se Gad siev unu an unu av nof rispek fi im iina evriting we unu a du.

Filipiyan 4:8

Mi breda an sista, wan muor ting mi waahn se tu unu. Unu si eniting we chuu, eniting we unu kyan rispek, eniting we rait, eniting we gud an kliin, eniting we piipl kyan luk pan an fiil gud bout, eniting we piipl kyan taak gud bout, eniting we fit fi get big op — a dem sitn de unu fi set unu aat an main pan aal di taim.

Koloshan 1:9

Siek-a dis, fram di die wi ier dat, wi no tap prie fi unu an a aks Gad fi mek unu nuo fi shuor wa im waahn unu fi du. Wi prie se im Spirit wi mek unu waiz an kyan andastan. Da wie de unu wi riili nuo wa im waahn.

Koloshan 2:3

A im wan kyan mek unu andastan di chrezha dem we Gad did aid. Dem chrezha de wi mek unu waiz an kyan andastan, an riili nuo bout Gad. Kaaz a iina Krais Jiizas dem chrezha de de.

Iibruu 11:6

Nou ef sumadi no chos iina Gad, dem kyaahn mek im api non at aal. Kaaz enibadi we kom kom worship Gad afi biliiv fos se Gad de fi chuu, an dat im a-go du som uol iip a gud sitn fi di wan dem we luk fi im aad aad.

Iibruu 12:15

Gad lov wi iivn duo wi no dizorv it, so mek shuor se nobadi no ton dem bak pan wa im du fi dem. An mek shuor se nobadi no galang laik bita ruut we gruo kom ton bita chrii. Dem piipl de wi kom kom mek chobl an brok out wan bag a piipl. Mek shuor se dat no apm.

Iibruu 6:11

Muo dan notn els, wa wi waahn unu fi du, a gwaan du di sitn dem we unu a du wid aal a unu aat til unu ded. Da wie de, unu wi en op get di sitn dem we unu a luk faawod tu; di sitn dem we Gad av fi unu.

1 Piita 3:7

A siem so di ozban dem fi liv gud wid dem waif an tingk bout dem siem laik ou Gad si dem. Unu nuo aredi se dem no chrang laka unu an dem kyaahn go du aal a wa unu kyan du. So andastan dat an rispek dem, kaaz di siem speshal laif we Gad so gud an kain fi gi unu, im gi dem tu. So mek shuor se unu chriit dem rait so unu kyan prie ou unu sopuoz fi prie.

2 Piita 1:10

So mi breda an sista, Gad kaal unu fi fala im. An im pik unu fi bi fi im piipl dem. So ef unu waahn dis fi laas unu fi chrai iivn aada fi mek shuor se dat apm. Kaaz ef unu du dis, notn kyaahn kot unu aaf fram Gad.

2 Piita 1:11

Da wie ya, Gad wi uopm op waid waid tu unu di duor fi di kindom a wi Laad an Sieviya Jiizas Krais — di kindom we a-go laas fi eva an eva. An im a-go gi unu aal rait fi go iin de.

2 Piita 3:14

So fren, wail unu a wiet pan dis, unu fi mek shuor se unu liv rait, an no mek Gad fain no faalt wid unu.

2 Piita 3:18

Gwaan mek wi Laad Jiizas Krais we siev wi, lov unu an chriit unu gud, an unu fi gwaan lorn muo an muo bout im tu. Mi prie se im wi get di priez, tide, tumaro an fi eva! Iemen.