2 Piita 1:16 - Di Jamiekan Nyuu Testiment

¹⁶ Wen wi tel unu bout di powa a wi Laad Jiizas Krais an ou im a-go kom bak, a neva no mek op tuori wi did a tel unu bout. Bot a tingz we wi si fi wiself. Wid wi uona yai dem wi did si di brait brait lait.

2 Piita 1:16 ပူးပေါင်းရင်းမြစ်များ

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Matyu 16:28

Mi a tel unu dis, an a chuu mi a taak, som a unu we tan op ya-so naa go ded bifuo unu si di Man we Gad Pik a kom ruul az king.”

Matyu 17:1

Siks die lieta Jiizas tek Piita, Jiemz an Jiemz breda, Jan, an kyari dem go op a wan ai mountn, im an dem wan.

Matyu 24:27

Kaaz jos laik ou laitnin flash fram iis go wes an evribadi si it, a siem so di Man we Gad Pik a-go kom bak — evribadi a-go si im.

Matyu 24:3

Wen Jiizas did a sidong pan Mount Aliv im falara dem kom tu im wan said an se, “Tel wi, a wen aal dem sitn ya a-go apm? An a wa kain-a sain a-go shuo se yu a kom bak an di worl suun don?”

Matyu 28:18

Den Jiizas kom kom se tu dem se, “Gad gi mi powa uova evriting we a liv iina evn an pan ort.

Maak 13:26

“Den evribadi wi si di Man we Gad Pik a kom iina di kloud dem an im a-go av powa an wan brait brait lait a shain roun im.

Maak 14:62

“Ye!” Jiizas ansa, “An unu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Luuk 1:2

Dem rait it dong siem wie ou dem ier it fram di piipl dem we did de de fram di staat, si di sitn dem wa apm an we priich di wod.

Luuk 9:43

Evribadi jaa jrap wen dem si di powa we Gad av. Wen dem a luk an a wanda bout wa dem si, Jiizas se tu im speshal falara dem,

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Jan 17:2

Kaa yu gi yu Bwai Pikni powa uova evribadi, so dat im kyan mek di piipl dem we yu gi tu im liv fi eva.

Ruoman 1:4

Jiizas Krais wi Laad a Gad Uoli Bwai Pikni. An iivn duo im kom fram Dievid fambili, Gad shuo klier klier se im a im Bwai Pikni an gi im im powa wen im mek Jiizas kom bak alaiv.

1 Korintiyan 1:17

Kaaz a riili priich Krais Jiizas sen mi fi priich, no fi baptaiz piipl. An wen mi priich di Gud Nyuuz bout Jiizas mi neva yuuz no fansi wod fi chrai get unu fi biliiv, kaaz mi wudn waahn aal a wa Krais Jiizas du fi wi pan di kraas fi luuz powa.

1 Korintiyan 1:23

Bot yu si wi, wi priich bout ou Krais Jiizas ded pan di kraas fi siev wi. Di Juu dem beks enitaim dem ier da mesij ya an di piipl dem we a no Juu tingk se a fuulinish wi a taak.

1 Korintiyan 1:7

So wail unu a wiet fi wi Laad Jiizas Krais fi kom bak notn no de we unu kuda waahn ar niid. Gad Spirit don gi unu evriting.

1 Korintiyan 2:1

Breda an sista, wen mi did kom priich Gad chuu mesij tu unu, we nobadi neva ier bifuo, mi neva yuuz no big wod ar chrai fi soun waiz.

1 Korintiyan 2:4

An wen mi did a tiich an a priich mi neva yuuz no fansi taak laik we di piipl dem we tingk dem waiz yuuz. Mi neva afi du dat fi mek unu biliiv kaaz Gad Spirit yuuz im powa fi shuo unu se aal a wa mi did a se a chuu sopm.

1 Korintiyan 5:4

Wen unu gyada tugeda an mi spirit de de wid unu, wid di rait an di powa we di Laad Jiizas Krais gi wi,

2 Korintiyan 2:17

Wi no komiin laik nof ada piipl we chriit Gad wod laik a sopm chiip we dem kyan sel an mek moni. Nuo! Gad sen wi fi tiich im Wod an chuu wi a Jiizas sorvant dem wi aalwiez tiich di chuut laik se Gad did tan op rait infronta wi.

2 Korintiyan 4:2

Wi no av notn fi du wid di bad sitn dem we piipl aid an du, an we bring dong shiem pan dem. Wi no chrai fi chrik nobadi an wi no ad ar chienj op notn we de iina Gad wod. Gad a wi witnis se wi onggl tiich di chuut an so piipl nuo se dem kyan chos wi.

Ifiijan 4:14

Wen da taim de kom, wi naa go komiin laik likl pikni we iizi fi get fuul op. Wi naa go komiin laik wan likl buot we di sii pich aal bout, ar we briiz bluo aal uova di plies. No laiyad, jinal tiicha kyaahn kom chrik wi ar fuul wi op.

Filipiyan 3:21

Im a-go yuuz im powa an kanchuol evriting. An im a-go yuuz da siem powa de an chienj wi wiik badi dem, an mek dem komiin laik fi im powaful badi.

1 Tesaluoniyan 2:19

Mi did waahn kom luk fi unu. Kaaz aftaraal, a uu mek wi kyan luk faawod fi di die wen wi Laad kom bak, kaaz wi nuo fi shuor se unu a-go gwaan biliiv iina im. An a uu mek wi api so? Ar uu mek wi a-go kyan buos infronta im wen im kom bak, buos laik se wi win medal? iihn? No unu!

2 Tesaluoniyan 2:9

A Sietan a-go mek di wan we brok Gad Laa kom. An im a-go gi im powa fi wok aal kain-a mirikl an shuo aal kain-a sain.

1 Timoti 1:4

Dem no fi wies dem taim niida pan mek op tuori we no mek no sens at aal, an dem no fi bada wid uu a uufa jinarieshan. Dem de sitn de onggl kaaz piipl fi kwaril-kwaril wid dem wan aneda insted-a chos iina Gad plan fi siev piipl.

1 Timoti 4:7

No av notn fi du wid di tuori dem we no chuu an we a jos fuulinish, bot wok aad fi fala we Gad se an liv ou yu nuo Gad waahn yu fi liv.

Taitos 1:14

an no fala di mek op tuori we di Juu dem av, ar fala baka piipl we go gens Gad wod.

2 Piita 2:3

Siek-a ou dem faalz tiicha ya griidi, dem a-go mek op tuori fi chrai mek moni aafa unu. Bot a lang taim nou dem jojment redi. An Gad naa sliip, im a-go mash dem dong!

1 Jan 4:14

Faada Gad sen im Bwai Pikni fi siev wi. Wi did si im, an wi a tel evribadi bout im.

Juud 1:14

Iinok did iina di sevn set a pikni we kom dong fram Adam lain a piipl dem. Im did priich bout di wikid piipl dem. Im se, “Di Laad a-go kom wid touzn tap a touzn a im uoli wan dem.

Revilieshan 1:7

Luk de! Im a kom iina di kloud, an evri yai a-go si im, iivn di wan dem we mek dem kil im wid di suod; an aal di piipl dem pan ort a-go baal siek-a im. A so it a-go go! Iemen.