2 Piita 1:12 - Di Jamiekan Nyuu Testiment

¹² A dat mek mi afi memba unu aal di wail bout dem sitn ya; iivn duo unu nuo dem aredi an don a uol aan chrang pan di chuu mesij we unu get aredi.

2 Piita 1:12 ပူးပေါင်းရင်းမြစ်များ

Aks 16:5

So di choch piipl dem get chrangga an chrangga iina wa dem biliiv an evridie muor an muor piipl jain dem gruup.

Filipiyan 3:1

Mi breda an sista, dem ya a di laas sitn dem we mi av fi se. Mi prie se Krais Jiizas wi mek unu wel api. A no notn fi mi rait tu unu bout di siem sitn dem uova an uova agen. Matarafak, dem wi elp kip unu sief tu.

Koloshan 1:5

Unu du dem sitn de kaaz unu a luk fi get wa Gad put op iina evn fi wi, an unu nuo fi shuor se unu a-go get dem. Wa Gad put op a di sed sitn dem we unu did ier bout wen unu did ier di Gud Nyuuz, an da mesij de chuu.

Koloshan 2:7

So, jos laik ou chrii ruut de diip iina grong, a so fi unu ruut fi beri diip dong iina im. An jos laik ou bildin tan op pan sopm, a im unu fi bil unu laif pan. Dat miin se unu fi dipen pan im muo an muo an du wa im tel unu fi du. Unu fi uol aan chrang an gwaan chos iina im jos laik ou wi did tiich unu fi du. An no figet fi gi Faada Gad tangks aal di taim.

1 Timoti 4:6

Timoti, yu wi bi wan gud sorvant fi Jiizas Krais ef yu tiich di piipl di chuut bout dem sitn ya, gwaan kip di chuu mesij bout Krais Jiizas kluos tu yu aat an gwaan fala di chuu sitn dem we mi did tiich yu.

2 Timoti 1:6

Siek-a dat yu mos mek shuor se yu gwaan yuuz di gif we Gad gi yu wen mi did put mi an dem pan yu an prie.

Iibruu 10:32

Bot unu fi memba iina di paas wen unu did jos andastan Gad wie, di sofarieshan we unu did afi go chuu, bot unu uol aan an kot chuu siem wie.

Iibruu 13:9

No mek di chrienj sitn dem we piipl go bout an a tiich mek unu chrie we. Kaaz a no ruul bout wa unu fi nyam an no nyam, mek di aat chrang. Bot a ou Gad lov wi so moch iivn duo wi no dizorv it — an a wan gud sitn dat. Di ruul dem bout wa piipl fi nyam neehn elp di piipl dem we did a fala dem.

1 Piita 5:10

Bot afta unu sofa likl, di Gad we lov unu so til, we no uol bak non a im lov fram unu, im sed wan we kaal unu fi enjai im powa we kyaahn don, kaaz unu a fala Krais Jiizas — im a-go fiks bak evriting fi unu agen, an di chos unu chos iina im, im a-go mek dat chrang chrang. Im a-go mek unu aat chrang tu, so unu kyan anggl di sofarieshan. An im a-go mek shuor se unu tan op chrang iina im no mata ou rof it mait-a get.

1 Piita 5:12

Silvanos, uu a laik mi breda, we riili chos iina Jiizas, a im elp fi rait da leta ya, so widoutn mek it tuu lang, mi rait fi jos elp unu fi gwaan uol aan pan Gad, an fi tel unu chrang chrang se wa Gad du fi unu riili a shuo se im lov unu bad bad. Tan op chrang iina da lov de.

2 Piita 1:13

Yu nuo se az lang az mi liv iina da badi ya mi no tingk mi a-go eva tap push unu fi memba dem sitn ya. A dat mi fi du.

2 Piita 1:15

An mi a-go chrai aad aad fi mek shuor se afta mi ded an gaan unu wi memba dem sitn ya siem wie.

2 Piita 3:1

Fren, dis a mi sekan leta tu unu nou. Mi rait di tuu leta dem fi memba unu bout dem sitn ya, so unu kyan tingk bout wa gud an kliin.

2 Piita 3:17

So fren, laik ou unu nuo dis aredi, wach out an no bada mek di rang we di wikid piipl dem we no bizniz wid Gad a du, kaaz unu fi chrie. Unu biliiv iina Gad chrang chrang nou, so no bada jrap aafa faam.

1 Jan 2:21

Mi neva did rait tu unu kaaz unu neehn nuo di chuut, bot kaaz unu nuo it aredi, an no lai kyaahn kom fram di chuut.

2 Jan 1:2

kaaz wi av di chuut iina wi an it a-go tan iina wi fi eva.

Juud 1:17

Mi fren, unu fi memba wa wi Laad Jiizas Krais apasl dem did tel unu.

Juud 1:3

Mi breda an sista, mi did a du evriting fi rait unu bout di nyuu laif we Gad gi aal a wi kaaz wi an Jiizas Krais a wan. Bot mi afi rait an tel unu fi tan op chrang an fait fi di sitn dem we Gad piipl get, an we wi biliiv iina. Wi get dem wan taim fi aal a Gad piipl an dem kyaahn chienj.

Juud 1:5

Mi nuo se unu nuo dem sitn ya aredi, bot mi stil a memba unu bout wa did apm tu di piipl dem wa di Laad did frii outa Iijip. Som a dem neva biliiv iina Gad, so Gad kil dem aaf iina di dezot.