2 Korintiyan 9:8 - Di Jamiekan Nyuu Testiment

⁸ Gad av di powa fi gi unu aal we unu kuda niid an im wi aalwiez gi yu muor dan inof so dat unu kyan gi tu piipl we niid it.

2 Korintiyan 9:8 ပူးပေါင်းရင်းမြစ်များ

Ifiijan 3:20

Tangks an priez tu di muos powaful Gad! Im kyan du nof nof muor dan wa wi kyan tingk bout an nof muo dan wa wi kyan aks im fa, kaaz a fi im powa a wok iina wi laif!

Taitos 3:14

Di piipl we biliiv iina Jiizas an we iina Kriit mos lorn fi wok aad an du gud sitn, so dat dem wi aalwiez av inof, so dem kyan gi piipl we niid it.

2 Korintiyan 8:7

Nou, unu a du beta dan nof ada piipl. Unu biliiv iina Gad chrang chrang, unu nuo ou fi taak an priich gud, unu waiz an unu neva gi op. Unu lov wi nof nof tu. So sins unu a du so gud, mi waahn unu fi mek shuor se unu du gud wen unu a gi tu. Mek shuor se jos laik ou unu get muor dan ada piipl, unu gi muor dan ada piipl.

1 Korintiyan 15:58

Mi breda an sista tan op chrang an no mek notn mek yu tap biliiv. Mek shuor se unu eva a du di Laad wok sins unu nuo se aal we unu du fi Gad — unu naa du fi notn.

2 Korintiyan 9:11

Im wi gi unu evriting we unu niid so dat unu kyan aalwiez gi tu ada piipl. An wen unu shier wa unu av wid ada piipl, unu wi kaaz dem fi gi Gad tangks tu.

2 Korintiyan 8:2

Iivn duo aad taim tek dem an dem did puor so til, dem did eva api fi shier wa dem av wid ada piipl. Dem gi we nof nof sitn.

Taitos 3:8

Aal a wa mi jos tel yu, a chuu sopm. An a dat mi waahn yu fi tiich aad aad. Tiich it so dat aal a di piipl we biliiv iina Gad wi mek shuor se dem onggl du gud sitn; dem sitn ya gud an wi elp evribadi.

Ifiijan 2:10

A Gad mek wi tan ou wi tan. Gad mek wi an Jiizas wan, so wi kyan du di gud sitn dem we im did plan fi wi du fram wie bak wen.

1 Piita 4:10

Gad gi unu difrant difrant gif. Evri wan a unu fi yuuz wat-eva gif Gad gi unu, an yuuz it gud. Yuuz it elp ada piipl.

Taitos 2:14

Im a di wan we gi op im laif fi siev wi fram aal kain-a wikidnis an mek wi kliin so wi kuda bi im piipl; piipl we eva a chrai fi du gud.

2 Korintiyan 8:19

Dem no jos rispek im, bot di choch dem pik im fi go wid wi wen wi go a Judiya fi gi out aal a di sitn dem we dem kalek op an sen. Wi a kyari dem sitn ya go a Judiya, so dat Gad wi get di priez an fi shuo di piipl dem se wi wel waahn fi elp dem.

Koloshan 1:10

An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

Aks 9:36

Nou yu did av wan uman we biliiv iina Jiizas we liv a Japa. Shi did niem Tabita, bot iina Griik shi niem Daakas. Shi did eva a du gud an a elp puo piipl.

2 Tesaluoniyan 2:17

Wi prie se wi Laad Jiizas an wi Faada Gad wi gwaan gi unu gud wod an mek unu aat chrang, so unu wi aalwiez se an du wa gud.

2 Timoti 3:17

Gad wod wi mek im sorvant dem redi an wi mek dem kyan du aal kain-a gud sitn.

2 Korintiyan 13:3

Mi naa go tek it iizi pan nobadi sins unu did waahn mi fi pruuv se Krais Jiizas a yuuz mi fi taak tu unu. Wen im diil wid unu im no wiik, im shuo im powa mongks unu.

Filipiyan 4:11

A no kaaz mi niid notn mek mi a se we mi a se, kaaz mi lorn ou fi satisfai no mata ef mi av nof ar ef mi av likl bit.

2 Timoti 2:21

A siem wie it go wid piipl. Ef enibadi wi kliin op demself an ton fram aal we wikid, im wi komiin laik wan a di speshal boul dem. An Gad wi kyan yuuz im fi du speshal tingz. Im wi redi fi du aal kain-a gud sopm.