2 Korintiyan 9:6 - Di Jamiekan Nyuu Testiment

⁶ So dis a wa mi waahn unu fi memba: Di wan we plaant likl bit a siid a-go riip likl bit a sitn, an di wan we plaant uol iip a siid a-go riip uol iip a sitn.

2 Korintiyan 9:6 ပူးပေါင်းရင်းမြစ်များ

Luuk 6:38

Gi an unu wi get uol iip wid aal braata. Unu kop a-go ful — ful so til it aal a ron uova. Di wie unu diil wid ada piipl, siem wie dem a-go diil wid unu.”

2 Korintiyan 9:10

Nou, Gad, we gi di faama siid fi plaant an we gi piipl bred fi iit, im wi gi unu aal di siid we unu wuda niid fi plaant an im wi mek dem gruo tu. Im wi mek shuor se unu aalwiez av muor dan unu niid, so dat unu kyan aalwiez gi tu ada piipl.

Iibruu 6:10

Gad fier yu nuo. Im naa go figet wa unu du. Im naa figet ou unu shuo umoch unu lov im wen unu elp di breda an sista dem we biliiv iina Gad, an ou unu stil a elp dem.

Gyalieshan 5:16

Mi a tel unu liv unu laif laik ou Gad Spirit se unu fi liv. Da wie de unu naa go gi iin tu sin an du di rang sitn dem we unu eva waahn fi du.

Gyalieshan 3:17

Wa mi a chrai fi se a dat Gad did mek wan pramis tu Iebriyam, wan pramis we im naa go brok. Fuo onjrid an toti ier lieta, Gad gi wi di Laa. Da Laa de no miin se Gad naa go kip im pramis tu Iebriyam. Di Laa kyaahn chienj dat.

1 Korintiyan 15:20

Bot di chuut a dat Jiizas Krais did kom bak alaiv. An im mek wi nuo fi shuor se Gad a-go mek ada piipl we ded an we biliiv iina im kom bak alaiv tu.

Ifiijan 4:17

So, lisn nou! Mi a Gad sorvant so mi av di rait fi tel unu wa unu fi du. Unu no fi liv no muo laik di piipl dem we no nuo Gad. We dem piipl de main tel dem fi du no mek no sens.

1 Korintiyan 7:29

Wa mi a chrai fi se breda an sista, a dat taim shaat — Krais Jiizas suun kom bak. So fram nou aan, aal a unu we av waif fi sorv Gad so til it komiin laik se unu no av no waif.

Koloshan 2:4

Mi tel unu dis so nobadi kyaahn kom fuul unu op tu ou dem taak, an mek unu go chrie. Wa dem se mait-a soun laik dem mek sens bot a pie lai.

1 Korintiyan 1:12

Unu nuo wa mi a taak bout. Som a unu a se, “Mi a fala Paal.” Wan neda gruup a se, “Mi a fala Apalos.” Wan neks gruup a se, “Mi a fala Siifas” an wan neda gruup a se, “Mi a fala Krais.”

2 Korintiyan 9:5

A dat mek mi did tingk it impuotant fi wi breda dem kom si unu bifuo mi kom dong de. Mi push dem fi go orli so dat dem kuda mek shuor se aal a di sitn dem we unu did pramis fi gi, gyada op an pudong. Kaaz ef evriting gyada op an redi wen mi riich de, it wi shuo se a gi unu riili waahn fi gi; it wi shuo se nobadi naa fuos unu fi du notn.