2 Korintiyan 9:5 - Di Jamiekan Nyuu Testiment

⁵ A dat mek mi did tingk it impuotant fi wi breda dem kom si unu bifuo mi kom dong de. Mi push dem fi go orli so dat dem kuda mek shuor se aal a di sitn dem we unu did pramis fi gi, gyada op an pudong. Kaaz ef evriting gyada op an redi wen mi riich de, it wi shuo se a gi unu riili waahn fi gi; it wi shuo se nobadi naa fuos unu fi du notn.

2 Korintiyan 9:5 ပူးပေါင်းရင်းမြစ်များ

Filipiyan 4:17

A no muor moni mi a luk fram unu mek mi a se dem sitn ya, bot mi waahn unu du muor an muor gud sitn so Gad wi pie unu bak wid aal braata.

2 Korintiyan 8:6

So sins Taitos a di wan we did elp unu fi staat gyada op di sitn dem fi gi we, wi a push im fi go bak go finish di gud wok we im did staat.

1 Korintiyan 16:2

Pan di fos die a evri wiik, unu mos pudong paat a di moni we unu mek. Unu fi pudong moni bies pan ou Gad bles unu. Da wie de unu wi av di moni pudong an wi no afi go kalek op notn wen mi riich de.

2 Korintiyan 9:3

So mi a sen Taitos an di tuu breda dem tu unu kaaz mi waahn fi mek shuor se unu redi, jos laik mi se. Da wie de piipl wi nuo se aal a di sitn dem we mi se bout unu a chuu, an a no jos chat mi a chat.

2 Korintiyan 9:6

So dis a wa mi waahn unu fi memba: Di wan we plaant likl bit a siid a-go riip likl bit a sitn, an di wan we plaant uol iip a siid a-go riip uol iip a sitn.