2 Korintiyan 9:4 - Di Jamiekan Nyuu Testiment

⁴ Mi waahn fi mek shuor se unu redi kaaz ef som piipl fram Masiduoniya kom wid mi, an wen wi riich de unu no redi, a shiem mi wuda shiem. (Unu wuda muor dan shiem.) Wi wuda shiem kaaz wi did a buos bout ou unu redi.

2 Korintiyan 9:4 ပူးပေါင်းရင်းမြစ်များ

Ruoman 15:26

Kaaz di choch dem iina Masiduoniya an Akaiya did muor dan api fi gi moni tu Gad piipl iina Jeruusilem we puor.

1 Korintiyan 16:2

Pan di fos die a evri wiik, unu mos pudong paat a di moni we unu mek. Unu fi pudong moni bies pan ou Gad bles unu. Da wie de unu wi av di moni pudong an wi no afi go kalek op notn wen mi riich de.

2 Korintiyan 11:17

Nou wen mi taak dem wie ya, mi naa taak ou di Laad waahn mi fi taak. Mi a taak laik se mi a fuul.

2 Korintiyan 8:24

So shuo dem lov an chriit dem gud so dat aal a di choch dem wi si se aal a di sitn dem we wi se bout unu, a chuu.

2 Korintiyan 9:2

Mi no afi rait unu kaaz mi nuo se unu wel waahn fi elp. Mi aal buos bout unu tu Gad piipl we de iina Masiduoniya. Mi tel dem ou fram laas ier di uol a unu iina Akaiya redi fi elp an kaaz unu redi fi elp, it mek dem wel waahn fi elp tu.

Failiiman 1:19

Mi, Paal we a rait da leta ya miself, wi pie yu bak. An mi nuo se mi no afi memba yu se yu uo mi, kaaz a mi elp yu fi biliiv iina Krais.