2 Korintiyan 9:12 - Di Jamiekan Nyuu Testiment

¹² So wen unu shier wa unu av wid di Juu dem iina Judiya we biliiv iina Krais Jiizas, unu no onggl a gi dem wa dem niid, bot unu a kaaz dem fi gi Gad tangks nof nof.

2 Korintiyan 9:12 ပူးပေါင်းရင်းမြစ်များ

Filipiyan 2:25

Bot mi tingk se mi riili afi go sen bak Epafrodaitos kom a unu. Im a mi breda an di tuu a wi wok tugeda an im tan op chrang wid mi laik wan suoja. A im unu did sen fi tek kier a aal wa mi did niid.

1 Jan 3:17

Ef nobadi si im breda ar sista riili shaat a sopm an no elp dem iivn duo im kuda elp dem, ou da sumadi de a-go se Gad lov iina im aat?

2 Korintiyan 8:4

Dem beg wi an beg wi fi tek wa dem av gi it tu Gad piipl we de iina Judiya kaaz dem did wel waahn fi elp.

2 Korintiyan 9:1

So nou, mi nuo se mi neva afi rait unu bout di sitn dem we unu a gyada op fi sen go Judiya fi di Juu dem we staat biliiv iina Krais Jiizas.

2 Korintiyan 1:11

Unu mos prie se Gad wi elp wi tu. Kaaz wen Gad ansa unu prieya an bles wi, nof ada piipl wi staat fi gi Gad tangks fi aal we im du fi wi.

2 Korintiyan 1:5

Wi an Jiizas a wan, so wi afi go sofa uol iip siem laik im. Bot jos laik ou wi did afi sofa, a siem so im a-go elp wi an tek kier a wi nof nof kaaz wi an im a wan.