2 Korintiyan 9:1 - Di Jamiekan Nyuu Testiment

¹ So nou, mi nuo se mi neva afi rait unu bout di sitn dem we unu a gyada op fi sen go Judiya fi di Juu dem we staat biliiv iina Krais Jiizas.

2 Korintiyan 9:1 ပူးပေါင်းရင်းမြစ်များ

Gyalieshan 6:10

So wen-eva wi av di chaans fi du gud, mek wi du it. Mek wi du gud fi evribadi, wos ef dem a paat a Gad fambili an biliiv iina Jiizas laik wi.

1 Tesaluoniyan 5:1

Breda an sista, mi no afi rait unu bout di taim an di die wen dem sitn de a-go apm.

Gyalieshan 2:10

Di onggl ting dem aks wi fi du a memba di puo, an dat a di sed ting mi did wel waahn du.

1 Jan 2:27

Yu si unu nou, di spirit we Jiizas gi unu liv iina unu, so unu no niid no ada tiicha. A im a unu tiicha. A im tiich unu evriting, an we im tiich unu a chuu — a no lai, so tan wid im an fala we im tiich.

Ruoman 11:28

Kaaz di Juu dem did ton dem bak pan di Gud Nyuuz, dem a Gad enimi, an dat wok out gud fi unu we a no Juu. Bot dem a di piipl we Gad did pik an so im stil lov dem kaaz a dat im did pramis fi dem faada faada go bak se im wuda du.

Matyu 22:31

Nou bout da taim de wen ded piipl kom bak alaiv, unu neva riid we Gad se tu unu,

Aks 24:17

“Afta mi did kip we fram Jeruusilem fi kopl ier, mi go bak fi kyari som moni fi gi mi uona piipl fi elp di puor an fi bon sakrifais gi Gad.

Ruoman 12:13

Ef unu choch breda an sista no av wa dem niid, unu fi shier wa unu av wid dem an unu mos eva redi fi tek iin piipl we a chravl an naa no we fi stie.

Ruoman 15:31

Prie se di piipl iina Judiya we no biliiv iina Jiizas Krais, prie se dem no ort mi. An prie tu se Gad piipl iina Jeruusilem wi api wid wa mi did du fi dem an tek wa mi bring fi dem.