2 Korintiyan 8:7 - Di Jamiekan Nyuu Testiment

⁷ Nou, unu a du beta dan nof ada piipl. Unu biliiv iina Gad chrang chrang, unu nuo ou fi taak an priich gud, unu waiz an unu neva gi op. Unu lov wi nof nof tu. So sins unu a du so gud, mi waahn unu fi mek shuor se unu du gud wen unu a gi tu. Mek shuor se jos laik ou unu get muor dan ada piipl, unu gi muor dan ada piipl.

2 Korintiyan 8:7 ပူးပေါင်းရင်းမြစ်များ

Matyu 25:22

“Di wan we did get di tuu bag a guol dem kom tu im tu kom se, ‘Sa, yu did gi mi tuu bag a guol fi tek kier a. Si de, mi mek tuu muo pan tap a we yu did gi mi.’

Ruoman 15:14

Mi breda an sista, mi muor dan shuor bout unu, mi nuo se unu a gud piipl, unu nuo evriting we unu sopuoz fi du an unu kyan tiich unu wan aneda.

1 Korintiyan 1:5

An kaaz unu an Jiizas kluos, Gad bles unu wid nof gud sitn. Im mek unu kyan priich im wod an im mek unu kyan andastan evriting we de de fi nuo bout im Spirit.

1 Korintiyan 12:13

Wen wi did get baptaiz, Gad gi aal a wi im Spirit an so di uol a wi a wan. It no mata ef yu a Juu ar yu a no Juu, ef yu a sliev ar yu frii, Gad gi aal a wi di siem Spirit.

1 Korintiyan 12:8

Gad Spirit mek som piipl kyan taak tingz we waiz, an ada piipl, Gad Spirit mek dem se tingz we ful op a wa Gad waahn piipl fi nuo.

1 Korintiyan 13:2

Ef mi kuda kyari mesij chriet fram Gad, an nuo bout aal a di tingz we Gad kip fram mi an nuo bout evriting we de fi nuo bout, an mi so chrang iina wa mi biliiv dat mi kyan muuv mountn bot mi no av lov iina mi aat, mi a no notn.

1 Korintiyan 13:8

Chuu lov neva eva tap — it kyaahn ded. Bot wan die di piipl dem we kyari mesij chriet fram Gad, a-go tap kyari mesij. An di piipl dem we taak iina tongz, wan die dem a-go tap taak iina tongz. An di piipl we kyan andastan di tingz dem we Gad shuo wi, wan die dem a-go tap tu.

1 Korintiyan 14:12

So sins unu a chrai aad fi get di gif dem we di Uoli Spirit gi, muo dan eniting els unu fi chrai fi get di wan dem we wi elp fi bil op di choch.

1 Korintiyan 4:7

Kaaz a uu mek unu beta dan enibadi els? Wa unu av we a no get unu get it? An ef a get unu get it, mek unu a buos laik se a no get unu did get it?

2 Korintiyan 7:7

An wi neva api jos chuu im kom, bot kaaz im tel wi ou unu did tek kier a im an elp im fi du di wok we im did av fi du. Im tel wi bout ou unu did wel waahn si mi so dat unu kuda mek mi nuo se unu lov mi, an dat unu did wel sari bout wa apm tu mi. Im tel mi bout ou unu eva av mi bak. An wen mi ier dem sitn de, it mek mi iivn muor api.

2 Korintiyan 8:6

So sins Taitos a di wan we did elp unu fi staat gyada op di sitn dem fi gi we, wi a push im fi go bak go finish di gud wok we im did staat.

2 Korintiyan 9:14

Dem lov unu an wel waahn fi si unu. An wen dem a prie dem memba unu, kaaz dem si ou Gad bles unu an yuuz unu fi elp dem nof nof.

2 Korintiyan 9:8

Gad av di powa fi gi unu aal we unu kuda niid an im wi aalwiez gi yu muor dan inof so dat unu kyan gi tu piipl we niid it.

Ifiijan 4:29

Unu fi tap chat doti chat. Taak gud sitn aal di taim. Da wie de, di sitn dem we unu se wi bil op di piipl dem we niid fi get bil op. An enibadi we ier we unu se wi nuo ou Gad lov dem iivn duo dem no dizorv it.

Filipiyan 1:11

an dat evriting we unu du wi gud fi chuu — a onggl Krais Jiizas kyan mek unu du dem sitn de. Mi a prie fi aal a dat so dat Faada Gad wi get nof rispek an priez.

Filipiyan 1:9

So mi riili a prie se unu wi lov unu wan aneda muor an muor, so unu kyan nuo an andastan

2 Tesaluoniyan 1:3

Breda an sista, wi fi gi Gad tangks fi unu aal di wail — an dat a di rait ting tu. Wi fi gi tangks, kaaz unu a chos iina Gad muo an muo an a lov unu wan aneda muo an muo tu.

2 Timoti 2:1

So yu, Timoti, we komiin laik mi pikni, mek di lov we Krais Jiizas gi iivn duo wi no dizorv it, kip yu chrang.

Iibruu 12:28

So laik ou Gad a gi wi di rait fi ruul wid im, an dat a sitn we kyaahn shiek op, mek wi gi Gad tangks an yuuz dis an worship im iina wan wie we wi mek im api. Mek wi rispek im big taim.

1 Piita 1:22

Nou dat unu kliin op unu suol kaaz unu fala di riil mesij we dem tiich bout Krais Jiizas, unu kyan riili lov unu wan aneda. Unu mos aalwiez riili lov unu wan aneda wid aal a unu aat.

2 Piita 3:18

Gwaan mek wi Laad Jiizas Krais we siev wi, lov unu an chriit unu gud, an unu fi gwaan lorn muo an muo bout im tu. Mi prie se im wi get di priez, tide, tumaro an fi eva! Iemen.

Revilieshan 3:17

Unu se, ‘Mi rich; mi av uol iip a moni an evriting mi waahn.’ Bot yu no si ou yu mash op an tan bad, an pap dong laik oul shuuz bak, an puor, an blain an na'av aan no kluoz?