2 Korintiyan 8:6 - Di Jamiekan Nyuu Testiment

⁶ So sins Taitos a di wan we did elp unu fi staat gyada op di sitn dem fi gi we, wi a push im fi go bak go finish di gud wok we im did staat.

2 Korintiyan 8:6 ပူးပေါင်းရင်းမြစ်များ

2 Korintiyan 12:18

A mi push Taitos fi kom luk fi unu, an mi did sen wan neda breda we unu nuo wid im. Taitos did tek advaantij a unu? Di tuu a wi neva did a du di siem ting? Di tuu a wi neva did a gwaan di siem wie an a wok fi di siem riizn?

2 Korintiyan 8:19

Dem no jos rispek im, bot di choch dem pik im fi go wid wi wen wi go a Judiya fi gi out aal a di sitn dem we dem kalek op an sen. Wi a kyari dem sitn ya go a Judiya, so dat Gad wi get di priez an fi shuo di piipl dem se wi wel waahn fi elp dem.

2 Korintiyan 8:4

Dem beg wi an beg wi fi tek wa dem av gi it tu Gad piipl we de iina Judiya kaaz dem did wel waahn fi elp.

1 Piita 4:10

Gad gi unu difrant difrant gif. Evri wan a unu fi yuuz wat-eva gif Gad gi unu, an yuuz it gud. Yuuz it elp ada piipl.

Filipiyan 4:18

Mi get aal a di sitn dem we unu sen. An nou, mi av muor dan we mi niid. So, mi gud nou, kaaz Epafrodaitos gi mi evriting we unu sen kom. Aal a we unu sen kom, komiin laik di swiit sumel we kom fram sakrifais we Gad lov. An Gad api wid dat.

2 Korintiyan 9:5

A dat mek mi did tingk it impuotant fi wi breda dem kom si unu bifuo mi kom dong de. Mi push dem fi go orli so dat dem kuda mek shuor se aal a di sitn dem we unu did pramis fi gi, gyada op an pudong. Kaaz ef evriting gyada op an redi wen mi riich de, it wi shuo se a gi unu riili waahn fi gi; it wi shuo se nobadi naa fuos unu fi du notn.

Aks 24:17

“Afta mi did kip we fram Jeruusilem fi kopl ier, mi go bak fi kyari som moni fi gi mi uona piipl fi elp di puor an fi bon sakrifais gi Gad.

Ruoman 15:25

Bot rait ya nou mi a go a Jeruusilem fi elp Gad piipl.

2 Korintiyan 2:13

Bot iivn duo di piipl dem did api fi ier wa mi av fi se, mi main kudn res, kaaz mi neva si mi breda Taitos. Bot sins mi neva fain im, mi tel di piipl dem iina Chuowas ba-bai an lef go a Masiduoniya.

2 Korintiyan 8:10

Nou mek mi tel unu wa mi tingk bout di sitn dem we unu a gyada op an a gi we: A unu it a-go elp, laik ou laas ier unu a did di fos wan dem fi gyada op wa unu kyan an gi tu ada piipl, an unu gi kaaz a dat unu did waahn fi du, nobadi neva afi aks unu fi du it.

2 Korintiyan 8:23

Nou yu si Taitos, im a mi fren we wok wid mi fi elp unu. An di tuu breda dem, a di choch dem pik an sen dem, an di wok we dem du wi kaaz piipl fi priez Krais Jiizas.