2 Korintiyan 8:3 - Di Jamiekan Nyuu Testiment

³ Mi a tel unu, dem gi aal dem kuda gi an muor, an nobadi did afi aks dem fi du it, dem du it kaaz dem waahn fi du it.

2 Korintiyan 8:3 ပူးပေါင်းရင်းမြစ်များ

Failiiman 1:14

Bot mi no waahn du notn widout aks yu fos an mi no waahn fi fuos yu an. Mi waahn wen yu fi elp mi yu du it kaaz yu waahn fi elp mi.

1 Korintiyan 16:2

Pan di fos die a evri wiik, unu mos pudong paat a di moni we unu mek. Unu fi pudong moni bies pan ou Gad bles unu. Da wie de unu wi av di moni pudong an wi no afi go kalek op notn wen mi riich de.

Aks 11:29

So di piipl dem we biliiv iina Jiizas mek op dem main fi elp Gad piipl we de iina Judiya. Evribadi gi wa dem kuda gi an dem gi bies pan wa dem av.

1 Korintiyan 9:17

Kaaz ef mi miself, chuuz fi priich di Gud Nyuuz, Gad wi pie mi. Bot ef a no chuuz mi chuuz fi du it, den aal mi a du, a du di wok we Gad gi mi an chos mi fi du.

1 Piita 5:2

tek kier a di shiip dem we Gad gi unu, an no du it kaaz nobadi a fuos unu fi du it bot kaaz unu waahn fi du it. A so Gad waahn it fi go. No du it kaaz unu waahn moni niida bot du it kaaz unu riili waahn fi elp dem.

1 Piita 4:11

So ef Gad mek non a unu fi priich — unu fi priich laik se a Gad wod itself unu a taak. Aal a uu fi sorv, fi sorv wid di chrent an powa we Gad gi unu. Da wie de Gad wi get di priez iina evriting wi du siek-a Jiizas Krais. Aal a di ana, priez an powa a fi Gad, tide, tumaro an fi eva! Iemen.

1 Tesaluoniyan 2:8

Wi lov unu so moch dat wi neva did onggl waahn unu nuo bout di Gud Nyuuz, bot wi did glad fi du eniting wi kuda du fi elp unu tu — kaaz unu miin so moch tu wi.

Koloshan 4:13

Mi fi wan kyan tel unu ou aad im wok fi unu an fi di piipl dem we de a Leyodiisiya an Ierapolis.

Filipiyan 2:13

Unu kyan liv da wie de, kaaz a Gad a wok iina unu laif. A Gad mek unu waahn fi du di sitn dem we im waahn unu fi du. An a im gi unu di chrent fi du dem tu. An wen unu du dem, it mek im wel api.

Ruoman 10:2

Kaaz mi kyan tel unu fi shuor se dem wel waahn fi sorv Gad. Bot dem no andastan se wa dem a du no lain op wid di chuut.

Gyalieshan 4:15

Dem taim de unu did api, a wa apm fi chienj dat? Kaaz mi nuo fi shuor se dem taim de unu wuda du eniting fi mi. Ef unu kuda tek out unu uona yai dem gi mi, unu wuda du it.

Maak 14:8

Shi du wa shi kuda du. Shi naint mi badi bifuo taim fi get mi redi fi dem beri mi.