2 Korintiyan 8:19 - Di Jamiekan Nyuu Testiment

¹⁹ Dem no jos rispek im, bot di choch dem pik im fi go wid wi wen wi go a Judiya fi gi out aal a di sitn dem we dem kalek op an sen. Wi a kyari dem sitn ya go a Judiya, so dat Gad wi get di priez an fi shuo di piipl dem se wi wel waahn fi elp dem.

2 Korintiyan 8:19 ပူးပေါင်းရင်းမြစ်များ

2 Korintiyan 4:15

Aal di sofa wi a sofa, a fi unu. Wi a du it fi elp unu so dat muor an muor piipl wi biliiv iina Jiizas an get siev. An dat wi kaaz nof muor piipl fi staat prie an gi Gad tangks an big im op fi aal we im du.

2 Korintiyan 9:8

Gad av di powa fi gi unu aal we unu kuda niid an im wi aalwiez gi yu muor dan inof so dat unu kyan gi tu piipl we niid it.

Aks 15:25

So aal a wi mek op wi main fi pik som man an sen dem tu unu wid wi gud gud fren dem, Baanabas an Paal.

Aks 15:22

Den di apasl dem, di elda dem an aal a di choch piipl dem mek op dem main fi sen som man fram di choch go a Antiyak. So dem pik tuu a dem liida, Juudas (we niem Baasabas) an Sailas an sen dem wid Paal an Baanabas.

Aks 14:23

Iina aal a di choch dem, Paal an Baanabas pik elda gi dem fi liid dem. An afta dem spen taim a prie an kip we fram fuud, Paal an Baanabas ton di liida dem an di choch piipl dem uova tu di Laad Jiizas we dem biliiv iina.

Aks 19:22

So afta im sen tuu a di piipl we wok wid im, Timoti an Irastos, go a Masiduoniya, im tan iina Iezha fi wan likl wail.

Aks 19:29

Di uol siti did rail op. So dem grab Gaiyos an Ieristaakos, di man fram Masiduoniya we did a chravl wid Paal, an staat jrag dem go a di plies iina di siti we piipl aalwiez gyada op wen sitn speshal a apm.

Ruoman 5:3

Bot wi no jos api bout dat, wi api bout aal a di sitn dem we wi afi sofa chuu tu. Kaaz wi nuo se wen wi sofa chuu dem, wi wi get chrangga, an kaaz wi get chrangga wi kyan go chuu nof muor sopm an no gi op.

Ruoman 5:11

Pan tap a aal a dat, wi wel api. Wi api siek-a wa Gad yuuz wi Laad Jiizas Krais fi du. Gad yuuz Jiizas fi mek tingz rait bitwiin wi an im.

2 Korintiyan 8:11

So nou, unu niid fi don di wok we unu did staat laas ier. Gi aal we unu kyan gi, da wie de piipl wi si se unu wel waahn fi si di wok don, siem laik ou unu di wel waahn it fi staat.

2 Korintiyan 8:12

Umoch yu av no mata, Gad no bizniz wid umoch yu av ar no av. Wa mata a umoch yu waahn fi gi outa we yu av.

2 Korintiyan 8:20

Wi a sen da breda de wid Taitos kaaz unu si di sitn dem wa unu sen, wi no waahn nobadi fi se wi naa anggl dem rait.

2 Korintiyan 9:2

Mi no afi rait unu kaaz mi nuo se unu wel waahn fi elp. Mi aal buos bout unu tu Gad piipl we de iina Masiduoniya. Mi tel dem ou fram laas ier di uol a unu iina Akaiya redi fi elp an kaaz unu redi fi elp, it mek dem wel waahn fi elp tu.