2 Korintiyan 8:16 - Di Jamiekan Nyuu Testiment

¹⁶ Wi tangk Gad kaaz im mek Taitos lov an kier fi unu siem laik wi lov an kier fi unu.

2 Korintiyan 8:16 ပူးပေါင်းရင်းမြစ်များ

Revilieshan 17:17

Kaaz Gad put iina dem aat we im waahn dem fi du. Im mek dem mek op dem main fi gi di wail animal fi dem powa fi ruul so til im wod kom chuu.

Filipiyan 2:20

Kaaz mi no av nobadi els laik im we riili kier bout unu an ou unu du.

2 Korintiyan 7:12

So iivn duo mi rait unu da leta de, mi neva rait it kaaz unu du sopm rang ar kaaz sumadi du unu sopm rang. Mi rait it, so dat wen unu riid it Gad wuda elp unu fi si umoch unu rispek an lov wi.

2 Korintiyan 7:7

An wi neva api jos chuu im kom, bot kaaz im tel wi ou unu did tek kier a im an elp im fi du di wok we im did av fi du. Im tel wi bout ou unu did wel waahn si mi so dat unu kuda mek mi nuo se unu lov mi, an dat unu did wel sari bout wa apm tu mi. Im tel mi bout ou unu eva av mi bak. An wen mi ier dem sitn de, it mek mi iivn muor api.

Koloshan 3:17

An no mata wa unu du: no mata wa unu se ar du, unu fi memba se unu a di Laad Jiizas falara, so du wa unu du laik sumadi we a fala im. Wen unu a du dat, unu wi a gi Faada Gad tangks. An unu wi kyan gi im tangks, siek-a wa Krais Jiizas du fi unu.

2 Korintiyan 8:6

So sins Taitos a di wan we did elp unu fi staat gyada op di sitn dem fi gi we, wi a push im fi go bak go finish di gud wok we im did staat.

2 Korintiyan 8:23

Nou yu si Taitos, im a mi fren we wok wid mi fi elp unu. An di tuu breda dem, a di choch dem pik an sen dem, an di wok we dem du wi kaaz piipl fi priez Krais Jiizas.