2 Korintiyan 8:11 - Di Jamiekan Nyuu Testiment

¹¹ So nou, unu niid fi don di wok we unu did staat laas ier. Gi aal we unu kyan gi, da wie de piipl wi si se unu wel waahn fi si di wok don, siem laik ou unu di wel waahn it fi staat.

2 Korintiyan 8:11 ပူးပေါင်းရင်းမြစ်များ

2 Korintiyan 9:2

Mi no afi rait unu kaaz mi nuo se unu wel waahn fi elp. Mi aal buos bout unu tu Gad piipl we de iina Masiduoniya. Mi tel dem ou fram laas ier di uol a unu iina Akaiya redi fi elp an kaaz unu redi fi elp, it mek dem wel waahn fi elp tu.

2 Korintiyan 8:3

Mi a tel unu, dem gi aal dem kuda gi an muor, an nobadi did afi aks dem fi du it, dem du it kaaz dem waahn fi du it.

2 Korintiyan 8:12

Umoch yu av no mata, Gad no bizniz wid umoch yu av ar no av. Wa mata a umoch yu waahn fi gi outa we yu av.

2 Korintiyan 8:19

Dem no jos rispek im, bot di choch dem pik im fi go wid wi wen wi go a Judiya fi gi out aal a di sitn dem we dem kalek op an sen. Wi a kyari dem sitn ya go a Judiya, so dat Gad wi get di priez an fi shuo di piipl dem se wi wel waahn fi elp dem.