2 Korintiyan 7:9 - Di Jamiekan Nyuu Testiment

⁹ Bot nou mi wel api. Mi no api kaaz it did mek unu sad. Mi api kaaz unu did so sad dat unu go tel Gad di rang we unu du an beg im fi paadn unu. A dat Gad did waahn. Im did waahn unu fi sari fi di rang we unu du an chienj unu wiez. So, wi neva du notn fi ort unu.

2 Korintiyan 7:9 ပူးပေါင်းရင်းမြစ်များ

Matyu 3:8

Du di sitn dem we shuo se unu riili tap sin.

Luuk 15:10

Mi a tel yu a siem wie Gad ienjel dem api wen wan sina ton tu Gad.”

Luuk 15:32

Bot wi did so glad wi did afi daans an praans, kaaz yu breda we did ded an kom bak alaiv, kom bak uom. Im did laas bot wi get im bak.’ ”

Luuk 15:7

Jiizas se tu dem se, “Mi a tel unu, a siem wie evn a-go selibriet uova wan sina we ton tu Gad dan uova nainti-nain piipl we du rait an we na'av notn fi sari fa.

Aks 20:21

An mi neva fried fi tel piipl we a Juu an piipl we a Griik fi ton we fram dem sin, shuo se dem sari fi wa dem du, ton tu Gad, an biliiv iina Jiizas.

2 Korintiyan 1:12

Nou dis a wa wi av we wi kyan buos bout: fi wi kanchens naa bada wi kaaz wi nuo se wi liv gud wid evribadi. Aal unu, muor dan di res a piipl dem, wi chriit gud. Wi neva aid notn fram unu an wi aalwiez liv laik ou piipl we se dem bilang tu Gad fi liv. An wi naa liv so kaaz wi sumaat ar wi av sens, bot kaaz Gad gud tu wi an a im mek wi kyan liv so.

2 Korintiyan 2:16

Tu di wan dem we no biliiv, it tingk laik ded sitn bot tu di wan dem we biliiv, it sumel gud laik sopm we wuda gi yu laif. So uu den av wa it tek fi du da wok ya?

2 Korintiyan 7:8

Iivn duo di leta we mi sen unu did mek unu sad, mi no sari se mi did sen it. (Mi did fiil bad fos kaaz mi si se di leta did mek unu sad fi wan likl bit).