2 Korintiyan 7:6 - Di Jamiekan Nyuu Testiment

⁶ Bot Gad we mek piipl api wen dem sad an a wori, mek wi api an push wi fi gwaan wok wen im sen Taitos tu wi.

2 Korintiyan 7:6 ပူးပေါင်းရင်းမြစ်များ

Matyu 5:4

Aal a uu a baal nou, Gad bles dem, kaaz di taim a-go kom wen Gad a-go osh dem an mek dem api agen.

Jan 14:16

An mi a-go aks mi Faada fi sen wan neda sumadi fi elp unu an de wid unu aal di taim.

Ruoman 15:5

Mi prie se Gad, Gad uu kyan mek piipl chrang an kaaz dem fi eng aan an no gi op, mi prie se im wi kaaz unu fi liv iina piis wid unu wan aneda wail unu a fala Krais Jiizas.

2 Korintiyan 7:13

An dat mek wi fiil gud iina wi aat. So wi did api wen Taitos tel wi bout unu, bot wi did get iivn muor api wen wi si ou unu mek Taitos api kaaz unu did fala aal a wa im tel unu.

2 Korintiyan 7:14

Mi buos bout unu tu im an unu neva kaaz mi fi shiem. Kaaz jos laik ou evriting wi tiich unu a chuu, a siem so im kom fi si se evriting we mi did se bout unu a chuu tu.

2 Korintiyan 7:7

An wi neva api jos chuu im kom, bot kaaz im tel wi ou unu did tek kier a im an elp im fi du di wok we im did av fi du. Im tel wi bout ou unu did wel waahn si mi so dat unu kuda mek mi nuo se unu lov mi, an dat unu did wel sari bout wa apm tu mi. Im tel mi bout ou unu eva av mi bak. An wen mi ier dem sitn de, it mek mi iivn muor api.

Filipiyan 2:1

Krais Jiizas mek unu chrang, kaaz unu an im kluos. Im lov unu, so unu no afi wori bout notn. Unu an im Uoli Spirit a wan. Wen wan a unu a sofa di uol a unu fiil it. An unu kain tu unu wan aneda.

1 Tesaluoniyan 3:2

An wi sen Timoti tu unu. Timoti wi breda, we a wok wid Gad an a priich di Gud Nyuuz bout Krais Jiizas. Wi sen im fi bil unu op iina wa unu biliiv, an fi mek unu kyan uol aan,